കൊച്ചി: 1986 ലാണ് ഇരിങ്ങാലക്കുട പ്രതീക്ഷ ട്രെയിനിങ് സെന്റര്‍ ആരംഭിക്കുന്നത്. അന്ന് മുതല്‍ ആ സ്‌കൂളിന്റെ ഓമന പുത്രനാണ് മെജോ. അന്ന് മെജോയ്‌ക്ക് ആറ് വയസ്. ഈ ട്രെയിനിങ് സെന്ററാണ് ഇപ്പോള്‍ മെജോയുടെ വീട്.
സ്പെഷ്യല്‍ സ്‌കൂള്‍ കലോത്സവത്തില്‍ മോഹിനിയാട്ടത്തില്‍ മെജോയ്‌ക്കാണ് ഒന്നാം സ്ഥാനം. കലാപ്രകടനത്തിനു പ്രായം തടസമല്ല എന്നു വിളിച്ചോതുകയായിരുന്നു ഓരോ ചുവടും.
അച്ഛനും അമ്മയും സഹോദരിമാരും അടങ്ങുന്നതാണ് ആമ്പല്ലൂര്‍ സ്വദേശിയായ മെജോയുടെ കുടുംബം. 15 വര്‍ഷത്തോളമായി തൃശൂര്‍ സ്വദേശി ചന്തുവിന്റെ കീഴില്‍ നൃത്തം പഠിക്കുന്നു. കഴിഞ്ഞ വര്‍ഷവും മോഹിനിയാട്ടത്തില്‍ സംസ്ഥാനത്ത് ഒന്നാം സ്ഥാനം മെജോയ്‌ക്കായിരുന്നു.
