ഇടുക്കി: വാഗമണിൽ ദളിത് കുടുംബത്തിന്റെ വീടു കയറി ആക്രമണം നടത്തി ബ്ലേഡ് മാഫിയ. ഉളുപ്പൂണി സ്വദേശി സോമന്റെ വീട്ടിാലണ് സംഘം ആക്രമണം നടത്തിയത്. സംഭവത്തിൽ ഏഴ് പേരെ പോലീസ് കസ്റ്റഡിയിലെടുത്തു.
ആക്രമണത്തിൽ സോമന്റെ ഭാര്യയ്ക്കും മാനസിക വെല്ലുവിളി നേരിടുന്ന മകൾക്കും പരിക്കേറ്റിട്ടുണ്ട്. ഇവർ ആശുപത്രിയിൽ ചികിത്സയിലാണ്. സോമൻ സംഘവുമായി പണമിടപാട് നടത്തിയിരുന്നു. ഇതുമായി ബന്ധപ്പെട്ട് കേസ് നിലനിന്നിരുന്നു. ഇതിനെ തുടർന്ന് ബ്ലേഡ് മാഫിയ വൻ കതുക സോമനിൽ നിന്നും കൈപ്പറ്റിയിരുന്നു. ഇത് തിരികെ നൽകാൻ സമയം ആവശ്യപ്പെട്ടതോടെയാണ് ആക്രമണത്തിൽ കലാശിച്ചത്.
അഞ്ചോളം വാഹനങ്ങളിലാണ് ആക്രമികൾ വീട്ടിലെത്തിയത്. ബലമായി വീട്ടിൽ കയറി സാധാനങ്ങളും മറ്റും തകർക്കുകയും മകളെ തല്ലിയതായും പരാതിയിൽ പറയുന്നു. സംഭവ സമയം സോമൻ വീട്ടിലുണ്ടായിരുന്നില്ല. തുടർന്ന് നാട്ടുകാരുടെ ഇടപെടലിലാണ് അക്രമിസംഘത്തെ പിടികൂടിയത്. പിന്നീട് പ്രദേശവാസികൾ ഇവരെ പോലീസിൽ ഏൽപ്പിക്കുകയായിരുന്നു. നാല് വാഹനങ്ങളും പോലീസ് കസ്റ്റഡിയിലെടുത്തിട്ടുണ്ട്.
