മുംബൈ :ചാവേര് ബോംബാക്രണത്തെയും ഹമാസ് തീവ്രവാദത്തെയും പിന്തുണച്ച ദല്ഹി യൂണിവേഴ്സിറ്റി (ഡിയു) പ്രൊഫസറുടെ ഇസ്രയേല്-പലസ്തീന് വിഷയത്തിലുള്ള പ്രഭാഷണം റദ്ദാക്കി ബോംബെ ഐഐടി. നേരത്തെ ഒപി ജിന്ഡാല് യൂണിവേഴ്സിറ്റിയിലാണ് പ്രൊഫസര് അചിന് വൈനക് തന്റെ പ്രഭാഷണത്തില് ചാവേര് ബോംബാക്രണത്തെയും ഹമാസ് തീവ്രവാദത്തെയും പരസ്യമായി പിന്തുണച്ചത്.
ഈ പ്രഭാഷണത്തില് അദ്ദേഹം സനാതന ധര്മ്മത്തെ തള്ളിപ്പറയുകയും ചെയ്തിരുന്നു. ഇതേക്കുറിച്ച് അറിഞ്ഞ ബോംബെ ഐഐടിയിലെ ഒരു കൂട്ടം വിദ്യാര്ത്ഥികള് ശക്തമായി എതിര്ക്കുകയും പ്രഭാഷണം അനുവദിക്കുകയില്ലെന്ന് നിലപാടെടുക്കുകയും ചെയ്തു. ഇതോടെയാണ് ബോംബെ ഐഐടി പ്രഭാഷണം റദ്ദാക്കാന് തീരുമാനിച്ചത്.
നവമ്പര് ഒന്നിനായിരുന്നു ഒ.പി. ജിന്ഡാല് യൂണിവേഴ്സിറ്റിയില് ഇദ്ദേഹത്തിന്റെ വിവാദ പ്രഭാഷണം നടന്നത്. ഇന്ത്യന് സൈന്യത്തിനെതിരെയും ചാവേര് ബോംബാക്രമത്തെ അനുകൂലിച്ചും ഇദ്ദേഹം പ്രഭാഷണം നടത്തിയിരുന്നു. ദല്ഹി യൂണിവേഴ്സിറ്റിയില് അന്താരാഷ്ട്ര ബന്ധങ്ങളിലുള്ള പ്രൊഫസറാണ് പ്രൊഫ. ആനന്ദ് വനൈക്.
