ദുബായ്: ഐസിസി ഏകദിന റാങ്കിംഗില് ബാറ്റര്മാരില് യുവതാരം ശുഭ്മാന് ഗില് ഒന്നാം സ്ഥാനത്ത്. പാകിസ്ഥാന് നായകന് ബാബര് അസമിനെ പിന്തള്ളിയാണ് ഗില് ഒന്നാമത്തെിയത്. ആദ്യമായാണ് ഗില് ഐസിസി റാങ്കില് ഒന്നാം സ്ഥാനത്തെത്തുന്നത്.
ഒന്നാം സ്ഥാനത്തെത്തുന്ന ഏറ്റവും പ്രായം കുറഞ്ഞ താരമാണ് 24കാരനായ ഗില്. സച്ചിന് ടെണ്ടുല്ക്കറുടെ റെക്കാഡാണ് മറികടന്നത്.
വിരാട് കോഹ്ലി മൂന്ന് സ്ഥാനങ്ങള് മെച്ചപ്പെടുത്തി നാലാം റാങ്കിലെത്തി. ഇന്ത്യന് ക്യാപ്റ്റന് രോഹിത് ശര്മ ആറാം സ്ഥാനത്താണ്.ശ്രേയസ് അയ്യര് 17 സ്ഥാനങ്ങള് മെച്ചപ്പെടുത്തി പതിനെട്ടാം റാങ്കിലെത്തി. ബൗളര്മാരുടെ പട്ടികയില് ആദ്യ പത്തില് നാല് ഇന്ത്യന് താരങ്ങളുണ്ട്.
രണ്ട് സ്ഥാനം മെച്ചപ്പെടുത്തി മൊഹമ്മദ് സിറാജ് ഒന്നാമതെത്തി.
പാകിസ്ഥാന് പേസര് ഷഹീന് അഫ്രീദി ഒന്നാം സ്ഥാനത്ത് നിന്ന് നാലാമതെത്തി. മൂന്ന് ഇന്ത്യന് താരങ്ങള് കൂടി ആദ്യ പത്തില് ഉള്പ്പെട്ടിട്ടുണ്ട്. കുല്ദീപ് യാദവ് നാലാം സ്ഥാനത്തായി.ജസ്പ്രിത് ബുമ്ര ഏഴാം സ്ഥാനത്ത് നിന്ന് എട്ടാമതായി.മുഹമ്മദ് ഷമി പത്താം സ്ഥാനത്തെത്തി. ലോകകപ്പ് വിക്കറ്റ് വേട്ടയില് നാലാം സ്ഥാനത്തുണ്ട് ഷമി. നാല് മത്സരങ്ങളില് ഇതുവരെ 16 വിക്കറ്റാണ് ഷമി വീഴ്ത്തിയത്. ഇതില് രണ്ട് അഞ്ച് വിക്കറ്റ് പ്രകടനവുമുണ്ട്. ഏകദിനത്തിലെ മികച്ച ഓള്റൗണ്ടര്മാരുടെ പട്ടികയില് രവീന്ദ്ര ജഡേജ പത്താം സ്ഥാനത്താണ്.
മൂന്ന് ഫോര്മാറ്റിലും ഇന്ത്യയാണ് ഒന്നാമത്. ടി20 ബാറ്റര്മാരില് സൂര്യകുമാര് യാദവ് ഒന്നാം സ്ഥാനത്ത് തുടരുന്നു. ഓള്റൗണ്ടര്മാരുടെ റാങ്കിംഗില് ഹാര്ദിക് പാണ്ഡ്യ രണ്ടാമതും. ടെസ്റ്റ് ബാറ്റര്മാരുടെ റാങ്കിംഗില് രോഹിത്താണ് ആദ്യ പത്തിലുള്ള ഇന്ത്യന് താരം. ബൗളര്മാരുടെ റാങ്കിംഗില് ആര് അശ്വിനാണ് ഒന്നാമത്. രണ്ട് സ്ഥാനങ്ങള് മെച്ചപ്പെടുത്തിയ രവീന്ദ്ര ജഡേജ മൂന്നാത്. ബുമ്ര പത്താം സ്ഥാനത്ത്
ടെസ്റ്റ് ഓള്റൗണ്ടര്മാരുടെ റാങ്കിംഗില് ആദ്യ പത്തില് മൂന്ന് ഇന്ത്യന് താരങ്ങളാണുളളത്. ജഡേജ ഒന്നാമതും അശ്വിന് തൊട്ടു താഴെയും. അഞ്ചാമത് അക്സര് പട്ടേല്.
