അഹമ്മദാബാദ് : ലോക് സഭാ തെരഞ്ഞെടുപ്പില് മത്സരിക്കാനുളള താത്പര്യം പ്രകടിപ്പിച്ച് ബോളിവുഡ് നടി കങ്കണ റണൗട്ട്. ഗുജറാത്തിലെ പ്രസിദ്ധമായ ശ്രീകൃഷ്ണ ദ്വാരകാധീഷ് ക്ഷേത്ര ദര്ശനത്തിന് ശേഷം പ്രതികരിക്കുകയായിരുന്നു നടി.ഭഗവാന് കൃഷ്ണന് അനുഗ്രഹിച്ചാല് അടുത്ത ലോക്സഭാ തെരഞ്ഞെടുപ്പില് മത്സരിക്കുമെന്നാണ് കങ്കണ മാധ്യമ പ്രവര്ത്തകോരോട് പറഞ്ഞത്.
അയോധ്യയില് ശ്രീരാമ ക്ഷേത്രം നിര്മ്മിച്ച ബിജെപി സര്ക്കാരിനെ നടി പ്രശംസിച്ചു. ബിജെപി സര്ക്കാരിന്റെ ശ്രമത്തിലൂടെ 600 വര്ഷത്തെ പോരാട്ടത്തിനൊടുവിലാണ് ഇന്ത്യക്കാര്ക്ക് ഈ ദിവസം കാണാനായതെന്നും വലിയ ആഘോഷത്തോടെ ക്ഷേത്രം സ്ഥാപിക്കുമെന്നും നടി പറഞ്ഞു.. സനാതന ധര്മ്മത്തിന്റെ പതാക ലോകമെമ്പാടും ഉയരണമെന്ന് കങ്കണ അഭിപ്രായപ്പെട്ടു.
കടലില് മുങ്ങിയ ദ്വാരക നഗരത്തിന്റെ അവശിഷ്ടങ്ങള് സന്ദര്ശിക്കാന് തീര്ഥാടകര്ക്ക് അവസരമൊരുക്കണമെന്നും കങ്കണ റണൗട്ട് സര്ക്കാരിനോട് ആവശ്യപ്പെട്ടു. ജോലിയില് നിന്ന് ഇടവേള ലഭിക്കുമ്പോഴെല്ലാം താന് ദ്വാരാകാ നാഥനെ കാണാന് വരുമെന്നും കങ്കണ പറഞ്ഞു.
