ജയ് പൂര് : രാജസ്ഥാനിലെ കോണ്ഗ്രസ് നേതാവ് സച്ചിന് പൈലറ്റ് വിവാഹമോചിതനായി. ജമ്മുകശ്മീരിലെ മുന് മുഖ്യമന്ത്രിയായ ഒമര് അബ്ദുള്ളയുടെ മകളാണ് സച്ചിന് പൈലറ്റിന്റെ ഭാര്യ.
വിവാഹബന്ധം വേര്പ്പെടുത്തിയതായി സച്ചിന് പൈലറ്റ് തന്നെയാണ് തന്റെ നാമനിര്ദേശപത്രികയില് വെളിപ്പെടുത്തിയത്. രാജസ്ഥാനില് തെരഞ്ഞെടുപ്പില് മത്സരിക്കുന്ന സച്ചിന് പൈലറ്റ് സമര്പ്പിച്ച നാമനിര്ദേശപത്രികയിലാണ് വിവാഹബന്ധം വേര്പ്പെടുത്തിയ വ്യക്തിയാണെന്ന് സ്വയം വിശേഷിപ്പിച്ചിരിക്കുന്നത്. അതീവരഹസ്യമായാണ് വിവാഹബന്ധം വേര്പ്പെടുത്തിയത് എന്നതിനാല് അധികമാരും ഇത് അറിഞ്ഞിരുന്നില്ല.
2004ല് ആണ് സച്ചിന് പൈലറ്റ് സാറാ അബ്ദുള്ളയെ വിവാഹം കഴിക്കുന്നത്. ഇവര്ക്ക് രണ്ട് മക്കളുണ്ട്. ഭാര്യയുടെ പേരെഴുതേണ്ട നാമനിര്ദേശപത്രികയിലെ കോളത്തില് വിവാഹമോചിതന് എന്നാണ് സച്ചിന് പൈലറ്റ് കുറിച്ചിരുന്നത്. രാജസ്ഥാനിലെ ടോങ്കില് നിന്നു തന്നെയാണ് ഇക്കുറിയും സച്ചിന് പൈലറ്റ് മത്സരിക്കുന്നത്. ടോങ്കില് കഴിഞ്ഞ നിയമസഭാതെരഞ്ഞെടുപ്പില് 54000 വോട്ടുകളുടെ ഭൂരിപക്ഷത്തില് ബിജെപിയുടെ യൂനസ് ഖാനെ തോല്പിച്ചത്. ഇത്തവണ സച്ചിന് പൈലറ്റിനെതിരായ സ്ഥാനാര്ത്ഥിയെ ബിജെപി പ്രഖ്യാപിച്ചിട്ടില്ല.
