തിരുവനന്തപുരം: ഗണേഷ് കുമാറിനെ മന്ത്രിയാക്കരുതെന്ന് പ്രതിപക്ഷ നേതാവ് വിഡി സതീശന്‍. ഉമ്മന്‍ ചാണ്ടിയെ കള്ളക്കേസില്‍ കുടുക്കാന്‍ ശ്രമിച്ചയാളാണ് ഗണേഷ് . അതിനാല്‍ ഒരു കാരണവശാലും ഗണേശിനെ മന്ത്രിയാക്കരുതെന്ന് മുഖ്യമന്ത്രിയോട് ആവശ്യപ്പെടുമെന്നും പ്രതിപക്ഷ നേതാവ് പറഞ്ഞു.
കേരളീയം പരിപാടിയുടെ പേരില്‍ ധൂര്‍ത്താണ് നടക്കുന്നതെന്ന് പ്രതിപക്ഷ നേതാവ് കുറ്റപ്പെടുത്തി. ഖജനാവില്‍ നയാ പൈസയില്ലാത്തപ്പോഴാണ് പരിപാടി സംഘടിപ്പിക്കുന്നത്.
സംസ്ഥാനത്ത് ഗുരുതരമായ ധനപ്രതിസന്ധിയാണുളളത്. ശമ്പളവും പെന്‍ഷനും മുടങ്ങുന്നു. സര്‍ക്കാരിന്റെ പ്രചാരണം പാര്‍ട്ടി ചെലവില്‍ ആയിക്കോട്ടെ. കുട്ടികള്‍ക്ക് ഉച്ചഭക്ഷണം നല്‍കാന്‍ പോലും കഴിയാത്ത സര്‍ക്കാരാണ് ഇവിടെയുളളതെന്ന് സതീശന്‍ കുറ്റപ്പെടുത്തി.
ഇസ്രായേല്‍- പാലസ്തീന്‍ വിഷയം സംബന്ധിച്ച് ശശി തരൂരിന്റെ പരാമര്‍ശത്തില്‍ കോണ്‍ഗ്രസില്‍ ആശയക്കുഴപ്പമില്ല. ഹമാസ് ഭീകരരെന്ന പരാമര്‍ശം ശശി തരൂര്‍ തന്നെ വിശദീകരിച്ചു. സ്വതന്ത്ര പലസ്തീന്‍ എന്ന നിലപാട് കോണ്‍ഗ്രസ് നേരത്തെ വ്യക്തമാക്കിയിട്ടുളളതാണെന്നും സതീശന്‍ വെളിപ്പെടുത്തി.
