ചെന്നൈ: :തമിഴ്നാട്ടില്‍ ഗവര്‍ണറുടെ വസതിയായ രാജ് ഭവന് നേരെ പെട്രോള്‍ ബോംബെറിഞ്ഞതിന് പിന്നില്‍ സ്റ്റാലിന്‍ നയിക്കുന്ന ഡിഎംകെ സര്‍ക്കാരാണെന്ന് ബിജെപി സംസ്ഥാന അധ്യക്ഷന്‍ കെ. അണ്ണാമലൈ. സംസ്ഥാനത്തെ സുപ്രധാന രാഷ്‌ട്രീയ സംഭവവികാസങ്ങളില്‍ നിന്നും ശ്രദ്ധതിരിച്ചുവിടാനാണ് ഇങ്ങിനെ ഒരു ആക്രമണം നടത്തിയത്.- അണ്ണാമലൈ പറഞ്ഞു.
“രാജ് ഭവന് നേരെ പെട്രോള്‍ ബോംബെറിഞ്ഞത് തമിഴ്നാട്ടിലെ ഇന്നത്തെ ക്രമസമാധാന നിലയാണ് കാണിക്കുന്നത്. നിസ്സാര വിഷയങ്ങളിലേക്ക് ജനങ്ങളുടെ ശ്രദ്ധ തിരിച്ചുവിടാനാണ് സ്റ്റാലിന്‍ സര്ക്കാര് ശ്രമിക്കുന്നത്. അന്നേരെ അക്രമികള്‍ തെരുവുകള്‍ കയ്യടക്കുകയാണ്.” – അണ്ണാമലൈ സമൂഹമാധ്യമമായ എക്സില്‍ കുറിച്ചു.
രാജ്ഭവന്‍ ആക്രമണത്തിന് ഉത്തരവാദിയായ വ്യക്തി തന്നെയാണ് 2022 ഫെബ്രുവരിയില്‍ ബിജെപിയുടെ ചെന്നൈ ആസ്ഥാനത്ത് ആക്രമണം നടത്തിയത്. ഇത്തരം ആക്രമണങ്ങള്‍ തുടര്‍ച്ചയായി നടക്കുമ്പോഴാണ് ഇതിന് പിന്നില്‍ ഡിഎംകെ സര്‍ക്കാരാണെന്ന് ചിന്തിക്കേണ്ടി വരുന്നത്. – അണ്ണാമലൈ പറഞ്ഞു
