തിരുവനന്തപുരം: നടപ്പു സാമ്പത്തിക വര്ഷം രണ്ടാം പാദത്തില് കരുത്തുറ്റ പ്രകടനവുമായി സൗത്ത് ഇന്ത്യന് ബാങ്ക്. സപ്തംബര് 30ന് അവസാനിച്ച പാദത്തില് ബാങ്ക് 275 കോടി രൂപ െ്രെതമാസ അറ്റാദായം നേടി. 23.2 ശതമാനമാണ് വാര്ഷിക വളര്ച്ച. രണ്ടാം പാദത്തിലെ പ്രവര്ത്തന ലാഭം 8.2 ശതമാനം വര്ധനയോടെ 460 കോടി രൂപയിലെത്തി.
ബാങ്ക് നടപ്പിലാക്കിവരുന്ന തന്ത്രങ്ങള് മികച്ച ബിസിനസ് പ്രകടനം സാധ്യമാക്കുന്നുണ്ടെന്ന് സൗത്ത് ഇന്ത്യന് ബാങ്ക് എംഡിയും സിഇഒയുമായ പി. ആര്. ശേഷാദ്രി വാര്ത്താ സമ്മേളനത്തില് പറഞ്ഞു. നിഷ്ക്രിയ ആസ്തികള് കുറയ്ക്കാനും ബാങ്കിനു കഴിഞ്ഞു.
മൊത്ത നിഷ്ക്രിയ ആസ്തി 5.67 ശതമാനത്തില് നിന്ന് 71 പോയിന്റുകള് കുറച്ച് 4.96 ശതമാനത്തിലും, അറ്റ നിഷ്ക്രിയ ആസ്തി 81 പോയിന്റുകള് കുറച്ച് 2.51 ശതമാനത്തില് നിന്ന് 1.70 ശതമാനത്തിലുമെത്തിച്ച് നില മെച്ചപ്പെടുത്തുകയും ചെയ്തു. അറ്റപലിശ മുന് വര്ഷത്തെ 726 കോടി രൂപയില് നിന്നും ഇത്തവണ 830 കോടി രൂപയായി ഉയര്ന്നു. അറ്റപലിശ 2.98 ശതമാനത്തില് നിന്നും 3.33 ശതമാനമായി വര്ധിച്ചു.
10.81 ശതമാനമായിരുന്ന പ്രതി ഓഹരി വരുമാനം 13.43 ശതമാനമായും ഉയര്ന്നു. ആസ്തികളില് നിന്നുള്ള വരുമാനം 20 പോയിന്റുകള് ഉയര്ന്ന് 0.85 ശതമാനമായി വര്ധിച്ചു. നിഷ്ക്രിയ ആസ്തി അക്കൗണ്ടുകളുടെ റിക്കവറിയും അപ്ഗ്രഡേഷനും മുന് വര്ഷത്തെ 374 കോടി രൂപയില് നിന്ന് ഇത്തവണ 475 കോടി രൂപയായും വര്ധിച്ചു.
റീട്ടെയ്ല് നിക്ഷേപങ്ങള് 93,448 കോടി രൂപയിലെത്തി. പ്രവാസി നിക്ഷേപം 28,785 കോടി രൂപയിലെത്തി. കാസ അനുപാതത്തില് 1.8 ശതമാനമാണ് വളര്ച്ച. സേവിങ്സ് ബാങ്ക് അനുപാതം 1.8 ശതമാനവും സിഡി അനുപാതം 1.7 ശതമാനവുമാണ്. 74,947 കോടി രൂപയുടെ വായ്പകളാണ് വിതരണം ചെയ്തത്. കോര്പറേറ്റ് വിഭാഗത്തില് 27,491 കോടി രൂപയിലെത്തി. 33.2 ശതമാനമാണ് വളര്ച്ച. സ്വര്ണ വായ്പ 12,911 കോടി രൂപയില് നിന്നും 14,998 കോടി രൂപയായി ഉയര്ന്നു.
