തിരുവനന്തപുരം: പീഡനക്കേസില് പെരുമ്പാവൂര് എംഎല്എ എല്ദോസ് കുന്നപ്പള്ളിയുടെ ജാമ്യം റദ്ദാക്കണമെന്ന സര്ക്കാര് ആവശ്യം തിരുവനന്തപുരം ജില്ലാ കോടതി തള്ളി.
ആലുവ സ്വദേശി തലസ്ഥാനത്തെ സ്വകാര്യ സ്കൂള് അദ്ധ്യാപികയെ പീഡിപ്പിച്ചെന്ന കേസിലാണ് കോടതിയുടെ നടപടി. കേരളം വിടരുതെന്ന ജാമ്യ വ്യവസ്ഥ ലംഘിച്ച് റായ്പൂരില് കോണ്ഗ്രസ് പ്ലീനറി സമ്മേളനത്തില് എല്ദോസ് പങ്കെടുത്തുവെന്ന് കാണിച്ച് പോലീസ് കോടതിയില് റിപ്പോര്ട്ട് നല്കിയിരുന്നു. ഇതാണ് തിരുവനന്തപുരം ഏഴാം അഡീഷണല് സെഷന്സ് കോടതി തള്ളിയത്.
അന്വേഷണം പൂര്ത്തിയാകും വരെ കോടതിയുടെ അനുമതി ഇല്ലാതെ സംസ്ഥാനം വിട്ടുപോകരുതെന്നുള്പ്പെടെ 11 കര്ശന ഉപാധികളോടെയായിരുന്നു എംഎല്എക്ക് കോടതി ജാമ്യം അനുവദിച്ചത്. കോടതിയുടെ അനുമതിയില്ലാതെ കേരളം വിട്ട് പുറത്തുപോയി എന്നു ചൂണ്ടിക്കാണിച്ച് അന്വേഷണ ഉദ്യോഗസ്ഥനായ ജില്ലാ െ്രെകംബ്രാഞ്ച് അസി. കമ്മിഷണറാണ് റിപ്പോര്ട്ട് നല്കിയത്. 2022 ഒക്ടോബറിലാണ് എല്ദോസ് കുന്നപ്പള്ളിക്ക് ജില്ലാ കോടതി ജാമ്യം അനുവദിച്ചത്.
