ജംഷഡ്പൂര്‍; ഇസ്രായേലിന്റെ സര്‍വനാശത്തിനായി ജംഷഡ്പൂര്‍ മസ്ജിദില്‍ തീവ്ര ഇസ്ലാമിസ്റ്റുകളുടെ പ്രത്യേക പ്രാര്‍ത്ഥന. മത മുദ്രാവാക്യങ്ങള്‍ മുഴക്കിയ അവര്‍ പള്ളിയിലെ മുഫ്തിയുടെ നേതൃത്വത്തില്‍ പ്രാര്‍ത്ഥന നടത്തി.
വെള്ളിയാഴ്ച നമസ്‌കാരത്തിന് ശേഷം ഈദ്ഗാഹ് ഗ്രൗണ്ടില്‍ മുസ്ലീം യുവാക്കള്‍ ഒത്തുകൂടിയിരുന്നു. തന്‍സീം അഹ്ലെ സുന്നത്ത് ഒ ജമാഅത്ത് എന്ന സംഘടനയുടെ നേതൃത്വത്തിലായിരുന്നു സംഗമം. ജനക്കൂട്ടം ഇസ്രായേലിനെതിരെയും പലസ്തീന് അനുകൂലമായും മുദ്രാവാക്യങ്ങള്‍ മുഴക്കി. അമേരിക്കയെ തുരത്തുക, ഇസ്രയേലിനെ തുരത്തുക, ബ്രിട്ടന്‍ കീഴടക്കുക തുടങ്ങിയ മുദ്രാവാക്യങ്ങളാണ് ജനക്കൂട്ടം ഉയര്‍ത്തിയത്. ”അള്ളാഹു ഇസ്രായേലിനെ നശിപ്പിക്കണമെന്ന് ഞങ്ങള്‍ എല്ലാവരും പ്രാര്‍ത്ഥിക്കുന്നു.”എന്നും ഉറക്കെ വിളിച്ച് പറയുന്നുണ്ടായിരുന്നു . ഇസ്രായേലില്‍ നിര്‍മിക്കുന്ന ഒരു വസ്തുക്കളും ഇനി ഉപയോഗിക്കില്ലെന്നും ഇവര്‍ ശപഥം ചെയ്തു.
