തിരുവനന്തപുരം: തന്റെ ഓഫീസിനെ ഉന്നമിട്ട് നടത്തിയ നിയമന തട്ടിപ്പ് ഗൂഡാലോചനയ്‌ക്ക് പിന്നില്‍ മാധ്യമ പ്രവര്‍ത്തകരും ഉണ്ടെന്ന് ആരോഗ്യമന്ത്രി വീണാജോര്‍ജ്. ആരോപണം ഉന്നയിച്ചവര്‍ ഗൂഢാലോചന എന്തിനെന്ന് വെളിപ്പെടുത്തിയില്ലെങ്കില്‍ താന്‍ തന്നെ എല്ലാം തുറന്നുപറയുമെന്ന് മന്ത്രി പറഞ്ഞു.
അതേസമയം നിയമന തട്ടിപ്പ് കേസിലെ രണ്ടാം പ്രതി ലെനിന്‍ രാജിന്റെ മുന്‍കൂര്‍ ജാമ്യ അപേക്ഷ തിരുവനന്തപുരം ഏഴാം അഡീഷനല്‍ സെഷന്‍സ് കോടതി തള്ളി. മലപ്പുറം സ്വദേശി ഹരിദാസിന്റെ മരുമകള്‍ക്ക് ആയുഷ് വകുപ്പില്‍ ജോലി വാഗ്ദാനം നല്‍കി ഒന്നും രണ്ടും പ്രതികളുടെ ബാങ്ക് അക്കൗണ്ടില്‍ പണം അയപ്പിച്ചു എന്നാണ് പ്രോസിക്യുഷന്‍ വാദം.
കേസിലെ ഒന്നാം പ്രതി അഖില്‍ സജീവ്, മൂന്നാം പ്രതി റെയ്‌സ്, നാലാം പ്രതി ബാസിത് എന്നിവര്‍ ജുഡീഷ്യല്‍ കസ്റ്റഡിയിലാണ്..കഴിഞ്ഞ ദിവസമാണ് കേസിലെ നാലാം പ്രതി ബാസിതിന്റെ ജാമ്യ അപേക്ഷ കോടതി തള്ളിയത്.
