കൊച്ചി: കെ. സുരേന്ദ്രനെ ചെയര്മാനായും തുഷാര് വെള്ളാപ്പള്ളിയെ കണ്വീനറായും എന്ഡിഎയുടെ പുതിയ സംസ്ഥാന സ്റ്റിയറിങ് കമ്മിറ്റിയെ യോഗം തിരഞ്ഞെടുത്തു. വൈസ് ചെയര്മാന്മാരായി പി.കെ. കൃഷ്ണദാസ്, കെ. പദ്മകുമാര്, സി.കെ. ജാനു, വിഷ്ണുപുരം ചന്ദ്രശേഖരന്, കുരുവിള മാത്യൂസ്, വി.വി. രാജേന്ദ്രന് എന്നിവരെയും ജോയിന്റ് കണ്വീനര്മാരായി പി.എച്ച്. രാമചന്ദ്രന്, നിയാസ് വൈദ്യരാകം എന്നിവരെയും തിരഞ്ഞെടുത്തു.
ലോക്സഭാ തെരഞ്ഞെടുപ്പിനെ കുറിച്ചുള്ള ചര്ച്ച യോഗത്തില് നടന്നു. ദല്ഹിയില് കേന്ദ്ര നേതൃത്വവുമായി ചര്ച്ച നടത്തുന്നതോടെ അന്തിമരൂപം കൈവരും. മറ്റ് രണ്ട് മുന്നണികളേക്കാള് മുമ്പ് ദേശീയ ജനാധിപത്യ സഖ്യം സ്ഥാനാര്ഥികളെ പ്രഖ്യാപിക്കുമെന്നും സുരേന്ദ്രന് പറഞ്ഞു. വാര്ത്താസമ്മേളനത്തില് എന്ഡിഎ കണ്വീനര് തുഷാര് വെള്ളാപ്പള്ളി, വൈസ് ചെയര്മാന് പി.കെ. കൃഷ്ണദാസ്, ആര്എല്ജെപി അഖിലേന്ത്യാ ജനറല്സെക്രട്ടറി എം. മെഹബൂബ്, എല്ജെപി അഖിലേന്ത്യാ ജനറല് സെക്രട്ടറി രമാ ജോര്ജ്, ബിഡിജെഎസ് സംസ്ഥാന സെക്രട്ടറി അഡ്വ. സംഗീത വിശ്വനാഥ് എന്നിവര് സംബന്ധിച്ചു.
