ന്യൂദൽഹി: ഹമാസ് മാതൃകയിൽ ഭാരതത്തിലും ആക്രമണം നടത്തുമെന്ന് ഖലിസ്ഥാൻ ഭീകര സംഘടനയുടെ ഭീഷണി. നിരോധിത സംഘടനയായ സിഖ് ഫോർ ജസ്റ്റിസ് തലവൻ ഗുർപത് വന്ത് സിങ് പുന്നൂൻ ആണ് ഭീഷണി മുഴക്കിയത്. വീഡിയോ സന്ദേശത്തിലൂടെയായിരുന്നു ഭീഷണി. പ്രധാനമന്ത്രിയെ പാഠം പഠിപ്പിക്കുമെന്നും നിജ്ജാറിന്റെ വധത്തിന് പകരം വീട്ടുമെന്നും വീഡിയോ സന്ദേശത്തിൽ പറയുന്നു.
തങ്ങൾ ഉന്നയിച്ച ആവശ്യങ്ങൾ അംഗീകരിച്ചില്ലെങ്കിൽ ഹമാസ് മാതൃകയിലുള്ള ആക്രമണം ഉണ്ടാകുമെന്നാണ് ഗുർപത് വന്ത് സിങ് പറയുന്നത്. പഞ്ചാബിൽ നിന്നും ഭാരതം പിന്മാറണമെന്നും ഖലിസ്ഥാൻ എന്ന സ്വതന്ത്ര സിഖ് രാഷ്ട്രം സ്ഥാപിക്കണമെന്നുമാണ് ആവശ്യം. പഞ്ചാബിലെ സാഹചര്യങ്ങളും പലസ്തീനും ഇസ്രായേലും തമ്മിലുള്ള ദീർഘകാല സംഘർഷവും സമാനതകളുമുണ്ട്.
