തിരുവനന്തപുരം: ഇസ്രായേലും ഹമാസ് തീവ്രവാദികളും തമ്മില്‍ യുദ്ധം രൂക്ഷമായിരിക്കെ ഇസ്രയേലിലെ മലയാളികളുടെ സുരക്ഷ ഉറപ്പാക്കണമെന്നാവശ്യപ്പെട്ട് മുഖ്യമന്ത്രി പിണറായി വിജയന്‍ കേന്ദ്രസര്‍ക്കാരിന് കത്തയച്ചു.വിദേശകാര്യമന്ത്രി എസ് ജയശങ്കറിനാണ് മുഖ്യമന്ത്രി കത്തയച്ചത്.
ഇസ്രായേലില്‍ 7000ത്തോളം മലയാളികള്‍ ഉണ്ട്. ഇവരുടെ സുരക്ഷയ്‌ക്കായി സാധ്യമായ എല്ലാ രീതിയിലും ഇടപെടണമെന്നാണ് കത്തിലെ ആവശ്യം.
ഇസ്രയേലിലുള്ള മലയാളികളുടെ കുടുംബങ്ങള്‍ ആശങ്കയിലാണെന്നും കത്തില്‍ ചൂണ്ടിക്കാട്ടുന്നു. ഇസ്രായേലില്‍ ഏതാണ്ട് 18000 ഓളം ഇന്ത്യക്കാര്‍ ഉണ്ടെന്നാണ് റിപ്പോര്‍ട്ടുകള്‍.
വിവിധ രാജ്യങ്ങള്‍ തങ്ങളുടെ പൗരന്മാരെ ഇസ്രായേലില്‍ നിന്ന് ഒഴിപ്പിച്ച് തുടങ്ങി. ഇസ്രായേലിലെ സാഹചര്യം പ്രധാനമന്ത്രി സസൂക്ഷ്മം വിലയിരുത്തുന്നുണ്ടെന്നും ആവശ്യം വന്നാല്‍ ഇന്ത്യാക്കാരെ ഒഴിപ്പിച്ചേക്കുമെന്നും വാര്‍ത്തയുണ്ട്.
പ്രതികരിക്കാൻ ഇവിടെ എഴുതുക: