ജമ്മു കശ്മീരില്‍ രണ്ട് ലഷ്‌കര്‍ ഭീകരരെ വധിച്ച് സുരക്ഷാ സേന; കൊല്ലപ്പെട്ട അബ്രാറിന് കശ്മീരി പണ്ഡിറ്റ് കൊലകേസുമായി ബന്ധമുള്ള ആള്‍

ഷോപ്പിയാന്‍: ജമ്മു കശ്മീരിലെ ഷോപ്പിയാന്‍ ജില്ലയില്‍ ഇന്ന് പുലര്‍ച്ചെ സുരക്ഷാ സേനയുമായുണ്ടായ ഏറ്റുമുട്ടലില്‍ ലഷ്‌കര്‍-ഇ-തൊയ്ബ (എല്‍ഇടി) സംഘടനയിലെ രണ്ട് ഭീകരര്‍ കൊല്ലപ്പെട്ടതായി പോലീസ് അറിയിച്ചു.

മോറിഫത്ത് മഖ്ബൂല്‍, ജാസിം ഫാറൂഖ് എന്ന അബ്രാര്‍ എന്നിവരാണ് മരിച്ചതെന്ന് കശ്മീര്‍ സോണ്‍ പോലീസ് ഉദ്യോഗസ്ഥര്‍ വ്യക്തമാക്കി. കശ്മീരി പണ്ഡിറ്റ് സഞ്ജയ് ശര്‍മ്മയെ കൊലപ്പെടുത്തിയ കേസില്‍ പ്രതിയാണ് മരിച്ച ഭീകരന്‍ അബ്രാര്‍ എന്ന് എഡിജിപി കശ്മീര്‍ എക്‌സില്‍ കുറിച്ച പോസ്റ്റില്‍ പറഞ്ഞു.

#ShopianEncounterUpdate: Killed #terrorists have been identified as Morifat Maqbool & Jazim Farooq @ Abrar of #terror outfit LeT. #Terrorist Abrar was involved in killing of Kashmiri Pandit late Sanjay Sharma: ADGP Kashmir@JmuKmrPolice https://t.co/Jj0Bxb49dG

— Kashmir Zone Police (@KashmirPolice) October 10, 2023

ചൊവ്വാഴ്ച പുലര്‍ച്ചെ ഷോപ്പിയാനിലെ അല്‍ഷിപോറ മേഖലയില്‍ സുരക്ഷാ സേനയും ഭീകരരും തമ്മില്‍ ഏറ്റുമുട്ടലുണ്ടായതായി പോലീസ് അറിയിച്ചു. പ്രദേശത്ത് ഭീകരരുടെ സാന്നിധ്യത്തെക്കുറിച്ച് പോലീസിന് വിവരം ലഭിച്ചതിനെ തുടര്‍ന്ന് സുരക്ഷാ സേന ഭീകരവിരുദ്ധ ഓപ്പറേഷന്‍ നടത്തിയത്. ഇതിനിടെയാണ് ഏറ്റുമുട്ടല്‍ ആരംഭിച്ചതെന്ന് ഉദ്യോഗസ്ഥര്‍ പറഞ്ഞു.