പ്രസിദ്ധ പാകിസ്ഥാന് ക്രിക്കറ്റ് അവതാരക സെയ്നബ് അബ്ബാസ് ടിവിയില് ലോകകപ്പ് ക്രിക്കറ്റ് അവതരിപ്പിക്കാന് ഇന്ത്യയില് എത്തും. എന്നാല് ഇപ്പോഴേ അവര് ഇന്ത്യയില് വിവാദ നായികയായിക്കഴിഞ്ഞു.
അവരുടെ ഹിന്ദു വിരുദ്ധ, ഇന്ത്യാ വിരുദ്ധ ട്വീറ്റുകള് സമൂഹമാധ്യമങ്ങളില് അതിവേഗം പ്രചരിക്കുകയാണ്. പണ്ട് നടത്തിയ ട്വീറ്റുകളുടെ സ്ക്രീന് ഷോട്ടുകളാണ് പ്രചരിക്കുന്നത്.
ഇന്റര്നാഷണല് ക്രിക്കറ്റ് കൗണ്സില് (ഐസിസി) ആണ് ഇവരെ പുരുഷ ലോകകപ്പ് ക്രിക്കറ്റിന്റെ ടിവി അവതാരക ആയി തെരഞ്ഞെടുത്തത്. ഒക്ടോബര് അഞ്ചിന് ഗുജറാത്തിലെ അഹമ്മദാബാദിലാണ് ലോകകപ്പ് ക്രിക്കറ്റ് ആരംഭിക്കുന്നത്.
ഇന്ത്യയെയും ഹിന്ദുമതത്തെയും അവഹേളിക്കുന്ന പഴയ കാല ട്വീറ്റുകളാണ് പ്രചരിക്കുന്നത്. ഇന്ത്യയെ വിവരിക്കാന് ‘നാറുന്ന പശു മൂത്രമൊഴിക്കുന്നു’ തുടങ്ങിയ പ്രയോഗങ്ങളാണ് സെയ്നബ് അബ്ബാസ് ഉപയോഗിക്കുന്നത്. ഹിന്ദുക്കളോട് പശു മാംസം കഴിക്കാന് ആഹ്വാനം ചെയ്യുന്നതാണ് മറ്റൊരു ട്വീറ്റ്. ഇങ്ങിനെ നിരവധി ട്വീറ്റുകളാണ് സമൂഹമാധ്യമങ്ങള് കുത്തിപ്പൊക്കുന്നത്.
