കറാച്ചിയിൽ ലഷ്‌കർ ഭീകരനെ അജ്ഞാതർ വെടിവച്ചു കൊന്നു; മുഫ്തി ഖൈസർ ഫാറൂഖ് കഴിഞ്ഞ മൂന്ന് ദിവസത്തിനിടെ കൊല്ലപ്പെടുന്ന മൂന്നാമത്തെ ഭീകരൻ

ഇസ്ലാമാബാദ്: കറാച്ചിയിൽ അജ്ഞാതർ ഭീകരനെ വെടിവച്ചു കൊന്നു. ലഷ്‌കർ ഇ തോയ്ബ ഭീകരൻ മുഫ്തി ഖൈസർ ഫാറൂഖ് ആണ് കൊല്ലപ്പെട്ടത്. വഴിയിലൂടെ നടന്ന് പോകുകയായിരുന്നു ഫറൂഖിന് നേരെ അജ്ഞാതസംഘം വെടിവയ്‌ക്കുകയായിരുന്നു. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. ഇന്നലെ വൈകീട്ടോടെയായിരുന്നു സംഭവം.

സംഭവ സ്ഥലത്തുതന്നെ ഫറൂഖ് മരിച്ചുവീണു. ഇതോടെ അജ്ഞാത സംഘം കടന്നു കളയുകയായിരുന്നു. ലഷ്‌കർ-ഇ-തോയ്ബയുടെ സ്ഥാപക അംഗങ്ങളിൽ ഒരാളാണ് ഖൈസർ ഫാറൂഖ്. 26/11 മുംബൈ ഭീകരാക്രമണത്തിന്റെ സൂത്രധാരനും ലഷ്‌കറെ തലവൻ ഖൈസർ ഫാറൂഖിന്റെ അടുത്ത സഹായിയുമാണ്. കഴിഞ്ഞ മൂന്ന് ദിവസത്തിനിടെ അജ്ഞാത സംഘത്തിന്റെ ആക്രമണത്തിൽ കൊല്ലപ്പെടുന്ന മൂന്നാമത്തെ ഭീകരൻ ആണ് ഫറൂഖ്.

വെള്ളിയാഴ്ച ഹിസ്ബുൾ ഭീകരൻ സിയ ഉർ റഹ്മാനെ കറാച്ചിയിൽ വച്ച് അജ്ഞാത സംഘം വെടിവച്ച് കൊലപ്പെടുത്തിയിരുന്നു. ഇതിന് പിന്നാലെ കഴിഞ്ഞ ദിവസം കൊടും ഭീകരൻ ഹാഫിസ് സയീദിന്റെ മകൻ കമാലൂദ്ദീന്റെ മൃതദേഹം കണ്ടെടുത്തിരുന്നു. ഇതിന് പിന്നാലെയാണ് ഖൈസർ ഫറൂഖും കൊല്ലപ്പെടുന്നത്.

ഹാഫിസ് സയീദിന്റെ കൂട്ടാളിയാണ് കൊല്ലപ്പെട്ട ഫറൂഖ് എന്നാണ് സൂചന. അതേസമയം തുടർച്ചയായി ഭീകരർ കൊല്ലപ്പെടുന്നത് ഭീകര നേതാക്കളിൽ ഉൾപ്പെടെ വലിയ ഭയം ഉണ്ടാക്കിയിട്ടുണ്ട്.

The "unknown men" in action pic.twitter.com/924EdYVPRw

— Megh Updates 🚨™ (@MeghUpdates) September 30, 2023