മാഡ്രിഡ്: സ്വന്തം തട്ടകത്തില്‍ അത്‌ലറ്റിക്കോ മാഡ്രിഡ് റയല്‍ മാഡ്രിഡിനെ തോല്‍പ്പിച്ചുവിട്ടു. സീസണിലെ ആദ്യ മാഡ്രിഡ് ഡെര്‍ബിയില്‍ സ്വന്തം മൈതാനത്ത് അത്‌ലറ്റിക്കോ ജയിച്ചത് 3-1ന്.
ഇരട്ടഗോളുമായി അല്‍വാരോ മൊറാട്ടയും ആന്റോയിന്‍ ഗ്രീസ്മാന്റെ ഗോളും അത്‌ലറ്റിക്കോ വിജയത്തില്‍ നിര്‍ണായകമായി. റയലിനായി മിഡ്ഫീല്‍ഡര്‍ ടോണി ക്രൂസ് ആശ്വാസ ഗോള്‍ നേടി.
കളിയിലെ നാല് ഗോളുകളും വീണത് ആദ്യപകുതിയിലായിരുന്നു. തുടക്കത്തിലേ തന്നെ മൊറാട്ട അത്‌ലറ്റിക്കോയെ മുന്നിലെത്തിച്ചു. കളി 18 മിനിറ്റെത്തിയപ്പോള്‍ ഗ്രീസ്മാനിലൂടെ ആതിഥേയര്‍ ലീഡ് ഇരട്ടിയാക്കി. വിടാതെ പൊരുതിയ റയല്‍ മാഡ്രിഡ് 35-ാം മിനിറ്റിലാണ് മറുപടി ഗോള്‍ നേടിയത്.
2-1ന് പിരിഞ്ഞ ആദ്യ പകുതിക്ക് ശേഷം മത്സരം തുടങ്ങിയത് അല്‍വോരോ മൊറാട്ടയുടെ ഗോളോടുകൂടിയാണ്. പിന്നീട് ഇരുവലകളും കളി കഴിയുവോളം ചലിച്ചില്ല.
തോല്‍വിയോടെ റയലിന് ബാഴ്‌സയെ മറികടന്ന് പട്ടികയില്‍ ഒന്നാമതെത്താനുള്ള അവസരം നഷ്ടമായി.
ആറ് കളികളില്‍ ആദ്യ തോല്‍വിയാണ് ടീം നേടുന്നത്. 15 പോയിന്റുള്ള റയലിനെ മറികടന്ന് ജിറോണ രണ്ടാം സ്ഥാനത്തേക്ക് മുന്നേറി. 16 പോയിന്റുള്ള ബാഴ്‌സ ഗോള്‍ വ്യത്യാസത്തിലാണ് മുന്നില്‍ നില്‍ക്കുന്നത്. റയല്‍ നിലവില്‍ മൂന്നാം സ്ഥാനത്താണ്.
