ഇടുക്കി : കസ്റ്റഡി അന്വേഷണത്തിനിടെ കുറ്റവാളി രക്ഷപ്പെട്ട സംഭവത്തില് എസ്ഐ അടക്കമുള്ള പോലീസുകാര്ക്ക് സസ്പെന്ഷന്. ഇടുക്കി മറയൂര് പൊലീസ് സ്റ്റേഷനിലെ അഞ്ച് പോലീസ് ഉദ്യോഗസ്ഥരെയാണ് സസ്പെന്ഡ് ചെയ്തത്. എസ്ഐ പിജി അശോക് കുമാര്, എഎസ്ഐ ബോബി എം തോമസ്, ഹെഡ് കോണ്സ്റ്റബിള് എന് എസ് സന്തോഷ്, സിപിഒമാരായ വിനോദ്, ജോബി ആന്റണി എന്നിവരെയാണ് സസ്പെന്ഡ് ചെയ്തത്.
നിരവധി മോഷണ കേസുകളില് പിടിയിലായ തമിഴ്നാട് തെങ്കാശി കടയം സ്വദേശി ബാലമുരുകനാണ് പോലീസിനെ വെട്ടിച്ചു കടന്നു കളഞ്ഞത്. മറയൂരില് മോഷണ കേസില് അറസ്റ്റിലായ ഇയാളെ തെളിവെടുപ്പിനായി തമിഴ്നാട്ടില് കൊണ്ടു പോയതിനിടെയായിരുന്നു കടന്നുകളഞ്ഞത്.
