മൊഹാലി: ഇന്ത്യ- ഓസ്ട്രേലിയ ആദ്യ ഏകദിനത്തില് ഇന്ത്യയ്ക്ക് 277 റണ്സ് വിജയ ലക്ഷ്യം. ആദ്യം ബാറ്റ് ചെയ്ത ഓസ്ട്രേലിയ 50 ഓവറില് 276 റണ്സിന് ഓള്ഔട്ട് ആകുകയായിരുന്നു.
52 റണ്സ് നേടിയ ഡേവിഡ് വാര്ണര് ടീമിന്റെ ടോപ് സ്കോറര് ആയി.രണ്ടാം വിക്കറ്റില് സ്റ്റീവ് സ്മിത്തിനൊപ്പം 94 റണ്സിന്റെ കൂട്ടുകെട്ട് പടുത്തുയര്ത്തി. മാര്ക്കസ് സ്റ്റോയിനിസും ഇംഗ്ലിസും ആറാം വിക്കറ്റില് 43 പന്തില് 62 റണ്സ് കൂട്ടിച്ചേര്ത്തു.ജോഷ് ഇംഗ്ലിസ് 45 റണ്സ് നേടി.
സ്റ്റീവന് സ്മിത്ത്(41), മാര്നസ് ലാബൂഷാനെ(39), കാമറണ് ഗ്രീന്(31) എന്നിവരാണ് മറ്റു പ്രധാന സ്കോറര്മാര്. നായകന് പാറ്റ് കമ്മിന്സ് ഒമ്പത് പന്തില് പുറത്താകാതെ 21 റണ്സെടുത്തു.
ഇന്ത്യയ്ക്കായി മൊഹമ്മദ് ഷമി 5 വിക്കറ്റ് നേടി.
20 മാസത്തിന് ശേഷമാണ് രവിചന്ദ്രന് അശ്വിന് ഇന്ത്യയുടെ ഏകദിന പ്ലേയിംഗ് ഇലവനില് തിരിച്ചെത്തുന്നത്. പരിക്കില് നിന്ന് മോചിതനായി ശ്രേയസ് അയ്യരും തിരിച്ചെത്തി.
