തിരുവനന്തപുരം: അംഗീകാരമില്ലാത്ത ലോണ് ആപ്പുകള് ഉപയോഗിച്ച് വായ്പ എടുത്ത് തട്ടിപ്പിന് ഇരയായവര്ക്ക് പരാതി നല്കാന് സംവിധാനവുമായി പൊലീസ്. 94 97 98 09 00 എന്ന നമ്പറില് 24 മണിക്കൂറും പൊലീസിന് വാട്ട്സ്ആപ്പിലൂടെ പരാതി അറിയിക്കാം.
സന്ദേശം, ഫോട്ടോ, വീഡിയോ, ശബ്ദം എന്നിവയായി പരാതി നല്കാനാവും. നേരിട്ടുവിളിക്കാനാവില്ല. ആവശ്യമെങ്കില് പരാതിക്കാരെ പൊലീസ് ബന്ധപ്പെട്ട് വിവരങ്ങള് ശേഖരിക്കും. തിരുവനന്തപുരം പൊലീസ് ആസ്ഥാനത്താണ് സംവിധാനം സജ്ജീകരിച്ചിരിക്കുന്നത്.
അംഗീകാരമില്ലാത്ത ലോണ് ആപ്പിന് എതിരെയുള്ള പൊലീസിന്റെ പ്രചാരണ പ്രവര്ത്തനങ്ങളും തുടങ്ങി. ജില്ലാ പൊലീസ് മേധാവിമാരും പ്രചാരണത്തിന് ഉണ്ടാകും.
