കൊല്ലം: ഓണം ബംബര് ലോട്ടറി ടിക്കറ്റ് തര്ക്കം യുവാവിന്റെ ജീവനെടുത്തു. കൊല്ലം തേവലക്കരയിലാണ് കൊലപാതകം നടന്നത്.
സുഹൃത്താണ് കൊലപാതകം നടത്തിയത്. തേവലക്കര സ്വദേശി ദേവദാസ് ആണ് കൊല്ലപ്പെട്ടത്. സംഭവത്തില് സുഹൃത്ത് അജിത്തിനെ പൊലീസ് പിടികൂടി.
ദേവദാസ് ലോട്ടറി ടിക്കറ്റ് എടുത്ത് അജിത്തിന്റെ കൈവശം സൂക്ഷിക്കാന് ഏല്പ്പിച്ചിരുന്നു. നറുക്കെടുപ്പിന് മുമ്പ് ദേവദാസ് അജിത്തിനോട് ടിക്കറ്റ് ചോദിച്ചതിനെ തുടര്ന്ന് വാക്കേറ്റമുണ്ടാവുകയും അജിത്ത് ദേവദാസിനെ കയ്യില് വെട്ടുകയുമായിരുന്നു. രക്തം വാര്ന്നാണ് ദേവദാസ് മരിച്ചത്. ഇരുവരും മദ്യലഹരിയില് ആയിരുന്നുവെന്നാണ് വിവരം.
