ഗുവാഹത്തി: സോപ്പുപെട്ടികൾക്കുള്ളിൽ ഒളിപ്പിച്ചു കടത്താന്‍ ശ്രമിച്ച 21 കോടി രൂപയുടെ ഹെറോയിനുമായി മൂന്നു പേർ പിടിയിൽ. അമീർ ഖാന്‍, യാക്കൂബ്, ജാമിർ എന്നിവരാണ് ഗുവാഹത്തി പോലീസിന്റെ പിടിയിലായത്.
2.527 കിലോഗ്രാം ഹെറോയിനാണ് ഇവരിൽ നിന്നു കണ്ടെത്തിയത്. ഞായറാഴ്ച രാത്രി ഗുവാഹത്തിയിലെ ജോരബാത് മേഖലിൽ നടത്തിയ പരിശോധനയിലാണ് പ്രതികൾ പിടിയിലാകുന്നത്. പ്രതികളെല്ലാം മണിപ്പൂർ സ്വദേശികളാണ്. കാറിൽ പ്രത്യേക അറ തയാറിക്കിയാണ് ഇവർ സോപ്പുപെട്ടികൾ ഒളിപ്പിച്ചിരുന്നത്. പരിശോധനയിൽ ആകെ 198 സോപ്പുപെട്ടികൾ കണ്ടെത്തി. ഇവ പ്ലാസ്റ്റിക്ക് കവറുകൾകൊണ്ട് കെട്ടിയ നിലയിലായിരുന്നു എന്നും പൊലീസ് പറയുന്നു.
രാത്രിയിൽ പട്രോളിഗ് ശക്തമാക്കണമെന്ന് പോലീസിന് കർശന നിർദശം ലഭിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: