തിരുവനന്തപുരം:ചാണ്ടി ഉമ്മന് നിയമസഭയില് എംഎല്എയായി സത്യപ്രതിജ്ഞ ചെയ്തു. കേരളാ നിയമസഭയുടെ ഒമ്പതാമത് സമ്മേളനം ഇന്ന് പുനരാരംഭിച്ചതിനു പിന്നാലെയാണ് സത്യപ്രതിജ്ഞ നടത്തിയത്. രാവിലെ ചോദ്യോത്തര വേളയ്ക്കു ശേഷം പത്തുമണിക്കാണു ചാണ്ടി ഉമ്മന് സത്യപ്രതിജ്ഞ ചെയ്തത്.
പുതുപ്പള്ളിയില് ഇടത് സ്ഥാനാര്ഥി ജെയ്ക് സി.തോമസിനെതിരെ 37,719 വോട്ടുകളുടെ ഭൂരിപക്ഷത്തില് വന് വിജയം നേടിയാണ് ചാണ്ടി ഉമ്മന് നിയമസഭയില് എത്തിയത്. ശനിയാഴ്ച രാത്രി എട്ടോടെ പുതുപ്പള്ളി മണ്ഡലത്തിലെ 27 കിലോമീറ്റര് നീണ്ട പദയാത്ര പൂര്ത്തിയാക്കിയ ശേഷം പുലര്ച്ചെ ഒന്നിനാണു ചാണ്ടി പുതുപ്പള്ളിയില് നിന്നു കാറില് തിരുവനന്തപുരം പുതുപ്പള്ളി ഹൗസിലേക്ക് യാത്ര തിരിച്ചത്.
അമ്മ മറിയാമ്മ, സഹോദരി മറിയം എന്നിവര് സത്യപ്രതിജ്ഞയില് പങ്കെടുക്കാന് ഇന്നലെ വൈകിട്ടു തന്നെ തിരുവനന്തപുരത്ത് എത്തിയിരുന്നു. സത്യപ്രതിജ്ഞയ്ക്കു ശേഷം സ്പീക്കര്ക്കും മുഖ്യമന്ത്രിക്കും മറ്റു മന്ത്രിമാര്ക്കും ഹസ്തദാനം ചെയ്ത ശേഷം അദേഹം ഇരിപ്പിടത്തിലേക്ക് പോയത്.
