ലഖ്നൗ: ജി20 ഉച്ചകോടിയില് പങ്കെടുക്കാന് എത്തിയ ലോകനേതാക്കള്ക്ക് സമ്മാനിച്ച 50 ഓട്ട് താമരകള് രൂപകല്പന ചെയ്തത് ഉത്തര്പ്രദേശിലെ കലാകാരനായ മന്മോഹന് സെയ്നി.
വിദേശപ്രതിനിധികള്ക്ക് നല്കാന് കൂമ്പിയ താമരയാണ് നല്കുന്നതെങ്കിലും അത് ഒന്ന് തിരിച്ചാല് താമര വിരിയുന്ന രീതിയിലാണ് രൂപകല്പന. നിരവധി അവാര്ഡുകള് നേടിയ സെയ്നി ഒരു ലോഹ ശില്പി കൂടിയാണ്. യുപിയില് ഹാന്ഡിക്രാഫ്റ്റ് ഡവലപ് മെന്റ് ആന്റ് മാര്ക്കറ്റിംഗ് കോര്പറേഷന് ലിമിറ്റഡ് ആണ് ജി20 ഉച്ചകോടിയില് സമ്മാനിക്കാന് എന്തെങ്കിലും വിശിഷ്ടമായ കരകൗശല വസ്തു നല്കണമെന്ന ആവശ്യവുമായി മന്മോഹന് സെയ്നിയെ സമീപിച്ചത്.
മൂന്ന് മാസം കൊണ്ടാണ് 50 താമരകളുടെ നിര്മ്മാണം പൂര്ത്തിയാക്കിയത്. സ്വന്തം നാട്ടില് കരകൗശല വിദഗ്ധര് നിര്മ്മിച്ചെടുക്കുന്ന വസ്തുക്കള് തന്നെ സമ്മാനിക്കണമെന്ന മോദിയുടെ ആഗ്രഹമാണ് ജി20 ഉച്ചകോടിയിലേക്ക് മോഹന് സെയ്നിയുടെ ഓട്ട് താമരകള്ക്ക് വഴിയൊരുക്കിയത്.
പ്രതികരിക്കാൻ ഇവിടെ എഴുതുക: