ന്യൂദല്‍ഹി: ലാഹോറിലെ ഗദ്ദാഫി സ്റ്റേഡിയത്തില്‍ ബുധനാഴ്ച നടന്ന ഏഷ്യാ കപ്പ് സൂപ്പര്‍ ഫോറിലെ ആദ്യ മത്സരത്തില്‍ പാകിസ്ഥാന് ബംഗ്ലാദേശിനെ തകര്‍ത്തത് ആള്‍റൗണ്ട് പ്രകടനത്തിലൂടെ. ഏഴ് വിക്കറ്റിനാണ് പാകിസ്ഥാന്റെ വിജയം.
ബംഗ്ലാദേശിന് വേണ്ടി അല്‍ ഹസനും മുഷ്ഫിഖുര്‍ റഹീമും ചേര്‍ന്ന് അഞ്ചാം വിക്കറ്റില്‍ 100റണ്‍സിന്റെ കൂട്ടുകെട്ട് ഉയര്‍ത്തി. തുടക്കത്തില്‍ തകര്‍ന്ന ബംഗ്ലാദേശിനെ ഈ കൂട്ടുകെട്ടാണ് കരകയറ്റിയത്.
ആദ്യം ബാറ്റ് ചെയ്ത ബംഗ്ലാദേശ് 38.4 ഓവറില്‍ 193 റണ്‍സിന് എല്ലാവരും പുറത്തായി.
പാകിസ്ഥാന് വേണ്ടി ഇമാം ഉള്‍ ഹഖും മുഹമ്മദ് റിസ്വാനും അര്‍ധ സെഞ്ച്വറി നേടി.39.3 ഓവറില്‍ 3 വിക്കറ്റ് നഷ്ടത്തില്‍ ലക്ഷ്യം നേടി.
