തിരുവനന്തപുരം: യുവാവിനെ കൊലപ്പെടുത്തിയ ശേഷം സഹോദരന് കുഴിച്ചുമൂടി. തിരുവല്ലം വണ്ടിത്തടം സ്വദേശി രാജ്(36) ആണ് കൊല്ലപ്പെട്ടത്.
തലയ്ക്കടിച്ച് കൊലപ്പെടുത്തുകയായിരുന്നു. ഇതിന് ശേഷം വീട്ടുമുറ്റത്ത് കുഴിച്ചുമൂടി. മാനസികാസ്വസ്ഥ്യമുള്ള ആളാണ് പ്രതി ബിനുവെന്ന് പൊലീസ് അറിയിച്ചു.
രാജിനെ കാണാനില്ലെന്ന പരാതി ഇയാളുടെ അമ്മ പൊലീസില് നല്കിയിരുന്നു. തുടര്ന്ന് നടത്തിയ അന്വേഷണത്തിലാണ് വീട്ടുമുറ്റത്ത് കുഴിച്ചുമൂടിയ നിലയില് മൃതദേഹം കണ്ടെത്തിയത്.
അമ്മയും മക്കളുമാണ് വീട്ടില് താമസിച്ച് വന്നത്. എന്നാല് ഓണദിവസങ്ങളില് അമ്മ ബന്ധുവിന്റെ വീട്ടില് പോയപ്പോഴാണ് കൊലപാതകം നടന്നത്. മടങ്ങി എത്തിയപ്പോള് ഒരു മകനെ കാണാത്തതും വീടിന് സമീപം കുഴി മൂടിയിരിക്കുന്നതും കണ്ട് സംശയം തോന്നിയാണ് പൊലീസില് പരാതി നല്കിയത്.
