തിരുവനന്തപുരം: നാമജപ ഘോഷയാത്രയ്‌ക്കെതിരെ എടുത്ത കേസുകള്‍ പിന്‍വലിക്കാനുളള തീരുമാനം പുതുപ്പളളി ഉപ തെരഞ്ഞെടുപ്പിന്റെ പശ്ചാത്തലത്തില്‍. രാഷ്‌ട്രീയ തിരിച്ചടി ഉണ്ടാകാതിരിക്കുക ലക്ഷ്യമിട്ടാണ് ഇത്.
ഗണപതി മിത്താണെന്ന സ്പീക്കര്‍ എ എന്‍ ഷംസീറിന്റെ പരാമര്‍ശത്തെ തുടര്‍ന്നുണ്ടായ വിവാദത്തിന്റെ പശ്ചാത്തലത്തില്‍ എന്‍എസ്എസ് നടത്തിയ നാമജപ ഘോഷയാത്രയ്‌ക്കെതിരെ എടുത്ത കേസുകള്‍ പിന്‍വലിക്കാനാണ് തീരുമാനം.
പൊലീസിന് ലഭിച്ച നിയമോപദേശത്തിന്റെ പശ്ചാത്തലത്തിലാണ് നടപടി.ഘോഷയാത്രയില്‍ കുറ്റകൃത്യങ്ങള്‍ നടന്നില്ല.ഘോഷയാത്രയ്‌ക്കെതിരെ പരാതികളില്ല. വിവാദമായതിന് പിന്നാലെ കേസ് പിന്‍വലിക്കാന്‍ സര്‍ക്കാര്‍ തീരുമാനിക്കുകയായിരുന്നു.
എന്‍എസ്എസ് വൈസ് പ്രസിഡന്റ് സംഗീത് കുമാര്‍ ഉള്‍പ്പെടെ കണ്ടാലറിയാവുന്നവര്‍ക്കെതിരെയെടുത്ത കേസ് പിന്‍വലിക്കണമെന്ന് എന്‍എസ്എസ് ആവശ്യപ്പെട്ടിരുന്നു.
