ഓണത്തിന് തിയറ്ററില് എത്തുന്നതിനു മുമ്പേ റോബര്ട്ടിനും ഡോണിക്കും സേവ്യറിനും ഗംഭീര വരവേല്പ്പ് നല്കി കോളേജ് കാമ്പസ്. തൃക്കാക്കര ഭാരത് മാതാ കോളേജിലാണ് ആര് ഡി എക്സ് ടീം പ്രമോഷന്റെ ഭാഗമായി എത്തിയത്. വമ്പന് വരവേല്പ്പ് ആയിരുന്നു കോളേജ് കാമ്പസില് ആര് ഡി എക്സ് ടീമിന് ലഭിച്ചത്.
നീരജ് മാധവും ആന്റണി വര്ഗീസും ഷെയിന് നിഗവും കാമ്പസിനെ ഇളക്കിമറിച്ചു. താരങ്ങള് അവരുടെ സോഷ്യല് മീഡിയയില് കോളേജില് നിന്നുള്ള വീഡിയോ പങ്കുവെച്ചിട്ടുണ്ട്. കുടുംബപ്രേക്ഷകരെയും യൂത്തിനെയും ഒരുപോലെ എന്റര്ടെയിന് ചെയ്യിക്കാന് കഴിയുന്ന ഈ ബ്രഹ്മാണ്ഡ ചിത്രം ഓഗസ്റ്റ് 25ന് ഓണം റിലീസായി തീയേറ്ററില് എത്തും. അന്യഭാഷാചിത്രങ്ങളോട് കിട പിടിക്കുന്ന മാസ് ആക്ഷന് ഫാമിലി ഡ്രാമ ആയിരിക്കും ചിത്രമെന്ന് ടീസര് ഉറപ്പു നല്കുന്നു.
മലയാളസിനിമയെ ലോകസിനിമയ്ക്ക് മുമ്പില് ഉയര്ത്തിപ്പിടിച്ച ചിത്രമായ മിന്നല് മുരളി കൂടാതെ ബാംഗ്ലൂര് ഡേയ്സ്, കാട് പൂക്കുന്ന നേരം, മുന്തിരിവള്ളികള് തളിര്ക്കുമ്പോള്, പടയോട്ടം തുടങ്ങി ഒട്ടനവധി സൂപ്പര്ഹിറ്റ് ചിത്രങ്ങള് മലയാളികള്ക്ക് സമ്മാനിച്ചിട്ടുള്ള സോഫിയ പോളിന്റെ ഉടമസ്ഥതയിലുള്ള വീക്കെന്ഡ് ബ്ലോക്ക്ബസ്റ്റേഴ്സിന്റെ ബാനറിലാണ് ആര്.ഡി.എക്സ് (റോബര്ട്ട് ഡോണി സേവ്യര്) എത്തുന്നത്. ചിത്രത്തിന്റെ സംവിധാനം നിര്വഹിച്ചത് നവാഗതനായ നഹാസ് ഹിദായത്താണ്.
ആദര്ശ് സുകുമാരന്, ഷബാസ് റഷീദ് എന്നിവരുടേതാണ് തിരക്കഥ. കെ ജി എഫ്, വിക്രം, ബീസ്റ്റ് തുടങ്ങിയ ചിത്രങ്ങള്ക്ക് സംഘട്ടനം ഒരുക്കിയ അന്ബ് അറിവാണ് ഈ ചിത്രത്തിന്റെ ആക്ഷന് രംഗങ്ങള് കൈകാര്യം ചെയ്തത്. ബാബു ആന്റണി, ലാല്, ഐമ റോസ്മി സെബാസ്റ്റ്യന്, മഹിമ നമ്പ്യാര്, മാല പാര്വതി, ബൈജു തുടങ്ങിയവരും ചിത്രത്തില് അഭിനയിക്കുന്നുണ്ട്. ശബരിയാണ് പിആര്ഒ.
