കൊല്ക്കത്ത: പശ്ചിമ ബംഗാള് രാജ്ഭവനില് എന്റെ ബംഗാള്, ആസക്തി രഹിത ബംഗാള്’ പ്രചാരണ പരിപാടിക്ക് രാഷ്ട്രപതി ദ്രൗപതി മുര്മു തുടക്കം കുറിച്ചു. ബ്രഹ്മാകുമാരി സംഘടന സംഘടിപ്പിച്ച’നശ മുക്ത് ഭാരത് അഭിയാന്’ ചടങ്ങില് സംസാരിക്കവേ, മയക്കുമരുന്ന് ദുരുപയോഗം ആശങ്കപ്പെടുത്തുന്നതാണെന്ന് രാഷ്ട്രപതി പറഞ്ഞു.
മയക്കുമരുന്ന് ഉപയോഗം മൂലം യുവാക്കള്ക്ക് ജീവിതത്തില് ശരിയായ ദിശ തിരഞ്ഞെടുക്കാന് കഴിയുന്നില്ല. ആത്മീയ ഉണര്വ്, മരുന്ന്, സാമൂഹിക ഐക്യം, രാഷ്ട്രീയ ഇച്ഛാശക്തി എന്നിവയിലൂടെ ഈ അവസ്ഥ മെച്ചപ്പെടുത്താന് കഴിയുമെന്ന് അവര് പറഞ്ഞു. ഇത്തരം പ്രശ്നങ്ങള് ചര്ച്ച ചെയ്യുകയും അവ പരിഹരിക്കാന് പ്രവര്ത്തിക്കുകയും ചെയ്യുന്ന ബ്രഹ്മകുമാരി പോലുളളയെപ്പോലുള്ള സംഘടനകളെ അവര് അഭിനന്ദിച്ചു.
മാനസിക പിരിമുറുക്കവും സമപ്രായക്കാരുടെ സമ്മര്ദ്ദവും മൂലമാണ് ഏത് തരത്തിലുള്ള ആസക്തിയും വികസിക്കുന്നതെന്ന് രാഷ്ട്രപതി പറഞ്ഞു. ആസക്തി ആരോഗ്യത്തിന് ഹാനികരമാണ്. മറ്റ് പല വൈകല്യങ്ങളും ആസക്തിയില് നിന്ന് ഉണ്ടാകുന്നു. മയക്കുമരുന്നിന് അടിമകളായവരുടെ കുടുംബാംഗങ്ങളും സുഹൃത്തുക്കളും വളരെയധികം ബുദ്ധിമുട്ടുകള് അനുഭവിക്കുന്നു.
മയക്കുമരുന്ന് ഉപയോഗിക്കുന്നവര് ജീവിതം നശിപ്പിക്കരുതെന്ന് രാഷ്ട്രപതി അഭ്യര്ത്ഥിച്ചു. അവര് ഏതെങ്കിലും തരത്തിലുള്ള സമ്മര്ദ്ദത്തിലാണെങ്കില്, അവര് അവരുടെ സുഹൃത്തുക്കളുമായോ കുടുംബാംഗങ്ങളുമായോ ഏതെങ്കിലും സാമൂഹിക സംഘടനയുമായോ സംസാരിക്കണമെന്ന് രാഷ്ട്രപതി പറഞ്ഞു. അവരുടെ ഇച്ഛാശക്തി കൊണ്ട് നേരിടാന് കഴിയാത്ത ഒരു പ്രശ്നവുമില്ല. ലഹരി ഉപയോഗവും ലഹരിയും സാമൂഹിക വിരുദ്ധര് മുതലെടുക്കുന്നതായി അവര് പറഞ്ഞു. മയക്കുമരുന്ന് വാങ്ങാന് ചെലവഴിക്കുന്ന പണം ക്രിമിനല് പ്രവര്ത്തനങ്ങള്ക്കും ഉപയോഗിക്കുന്നു.
യുവജനങ്ങള് നമ്മുടെ ഏറ്റവും പ്രധാനപ്പെട്ട സ്വത്താണെന്ന് രാഷ്ട്രപതി പറഞ്ഞു. തങ്ങളുടെ ഭാവിയുടെ അടിത്തറ ഉറപ്പിക്കുന്നതിനായി ചെലവഴിക്കേണ്ട സമയവും ഊര്ജവും ആസക്തി കാരണം പാഴായിപ്പോകുന്നു. വിദ്യാര്ഥികള് തെറ്റായ വഴിയിലാണോ പോകുന്നത് എന്ന് വിദ്യാഭ്യാസ സ്ഥാപനങ്ങള് കണ്ടെത്തണം. എന്തെങ്കിലും ശ്രദ്ധയില്പ്പെട്ടാല് ഉടന് നടപടിയെടുക്കണമെന്നും രാഷ്ട്രപതി ആവശ്യപ്പെട്ടു.
