തിരുവനന്തപുരം: ഭാരതീയ വിദ്യാഭവന്റെ രാജേന്ദ്ര പ്രസാദ് ഇന്സ്റ്റിറ്റിയൂട്ട് ഓഫ് കമ്മ്യൂണിക്കേഷന് മുംബൈയുടെ ആഭിമുഖ്യത്തില് അഖിലേന്ത്യ അടിസ്ഥാനത്തില് നടക്കുന്ന ബിരുദാനന്തര ജേര്ണലിസം ഡിപ്ലോമ കോഴ്സ് 2023-24 സായാഹ്ന കോഴ്സിലേക്കുള്ള അപേക്ഷ ക്ഷണിച്ചു.
കേന്ദ്രസംസ്ഥാന സര്ക്കാരുകളുടെ അംഗീകാരമുള്ള ഒരുവര്ഷത്തെ ഈ കോഴ്സിന് ഏതെങ്കിലും വിഷയത്തില് ബിരുദമാണ് മിനിമം യോഗ്യത. ഉയര്ന്ന പ്രായപരിധി ഇല്ല. കോവിഡ് കാലത്തു ഓണ്ലൈന് ആക്കിയ ഈ കോഴ്സ് ഈ വര്ഷവും ഓണ്ലൈന് ആയി തുടരും.
മാധ്യമ പ്രവര്ത്തനത്തിന്റെ എല്ലാ തലങ്ങളും ഉള്പ്പെടുന്ന സമഗ്രമായ പാഠ്യപദ്ധതിയാണ്. പഠനത്തിന്റെ ഭാഗമായി പ്രവൃത്തി പരിചയ വര്ക്ക്ഷോപ്പുകളും, പ്ലേസ്മെന്റ് സഹായവും നല്കുന്നു. ക്ലാസുകള് ആഗസ്ത് 21 മുതല് ആരംഭിക്കും. കൂടുതല് വിവരങ്ങള്ക്കു 9946333000, 04712354700 എന്നീ നമ്പറില് ബന്ധപ്പെടുക
