കുറ്റിപ്പുറം: കേരളത്തിലെ പട്ടികജാതി സമൂഹത്തിന്റെ അവകാശങ്ങള് സംരക്ഷിക്കുന്നതിന് ബിജെപി ശക്തമായ പോരാട്ടങ്ങള് സംഘടിപ്പിക്കുമെന്ന് സംസ്ഥാന അധ്യക്ഷന് കെ. സുരേന്ദ്രന് പറഞ്ഞു. ബിജെപി പട്ടികജാതി മോര്ച്ച സംസ്ഥാന സമിതി യോഗം കുറ്റിപ്പുറത്ത് ഉദ്ഘാടനം ചെയ്യുകയായിരുന്നു അദ്ദേഹം.
രാജ്യത്ത് ഏറ്റവും അധികം പട്ടികജാതിക്കാര് അതിക്രമത്തിനിരയാവുന്ന സംസ്ഥാനമാണ് കേരളം. അവര്ക്ക് നീതി നേടി കൊടുക്കുന്നതില് ആഭ്യന്തര വകുപ്പ് ദയനീയമായി പരാജയപ്പെട്ടു, മഹാത്മാ അയ്യന്കാളിയെ വരെ അപമാനിച്ചവരെ അറസ്റ്റ് ചെയ്യുന്നതില് പോലീസ് ഗുരുതര വീഴ്ച വരുത്തി. പട്ടികജാതി വികസന ഫണ്ടുകള് സര്ക്കാര് കൊള്ളയടിക്കുന്നു. പട്ടികജാതി വിദ്യാര്ഥികളുടെ വിദ്യാഭ്യാസ ആനുകൂല്യങ്ങള് വിതരണം ചെയ്യുന്നതില് സംസ്ഥാന സര്ക്കാര് വീഴ്ച വരുത്തി.
വഞ്ചനയ്ക്കും അവഗണനയ്ക്കുമെതിരെ ശക്തമായ പ്രക്ഷോഭം സംഘടിപ്പിക്കുമെന്ന് അദ്ദേഹം കൂട്ടിച്ചേര്ത്തു.
പട്ടികജാതി മോര്ച്ച സംസ്ഥാന പ്രസിഡന്റ് ഷാജുമോന് വട്ടേക്കാട് അധ്യക്ഷനായി. ബിജെപി സംസ്ഥാന ജനറല് സെക്രട്ടറി അഡ്വ.പി. സുധീര്, അഡ്വ.എസ്. സുരേഷ്, എ. നാഗേഷ്, ബിജെപി ജില്ലാ പ്രസിഡന്റ് രവി തേലത്ത്, സംസ്ഥാന ജനറല് സെക്രട്ടറിമാരായ പി.കെ. ബാബു, അഡ്വ. സ്വപ്നജിത്ത്, ശങ്കരന്, രതീഷ് എന്നിവര് സംസാരിച്ചു.
