മെല്ബണ്: അല്ഭുതങ്ങളൊന്നും സംഭവിക്കാതെ ഫിഫ വനിതാ ലോകകപ്പ് അവസാന പ്രീക്വാര്ട്ടര് ദിനം കടന്നുപോയി. താരതമ്യേന കരുത്ത് കൂടിയ കൊളംബിയ, ഫ്രാന്സ് ടീമുകള് ജയിച്ച് ക്വാര്ട്ടറിലേക്ക് മുന്നേറി.
ആദ്യ മത്സരത്തില് കൊളംബിയ ഏകപക്ഷീയമായ ഒരു ഗോളിന് ജമൈക്കയെ തോല്പ്പിച്ചു. കൊളംബിയക്ക് നല്ല വെല്ലുവിളിയുയര്ത്തിയാണ് ജമൈക്ക കീഴടങ്ങിയത്. രണ്ടാംപകുതിയില്(51-ാം മിനിറ്റില്) കാറ്റലിന ഉസ്മെ നേടിയ എതിരില്ലാത്ത ഏകഗോളില് കൊളംബിയ വിജയിക്കുകയായിരുന്നു.
മൊറോക്കോ ദൗര്ബല്യം മുതലെടുത്ത കരുത്തന് ഫ്രാന്സ് എതിരില്ലാത്ത നാല് ഗോളുകളടിച്ച് വമ്പുകാട്ടി അവസാന പ്രീക്വാര്ട്ടര് മത്സരം ജയിച്ചു. ആദ്യപകുതിയില് മൂന്നും രണ്ടാം പകുതിയില് ഒരു ഗോളും നേടി. കാഡിഡിയാറ്റോ ഡിയാനി, കെന്സ ഡാലി, യൂജീനി ലെ സോമര്(ഇരട്ടഗോള്) എന്നിവര് സ്കോര് ചെയ്തു.
