മുംബൈ: ഗണപതി ഭഗവാനെപ്പറ്റി സാമൂഹ്യമാധ്യമങ്ങളിലൂടെ അസഭ്യവും അപകീര്ത്തിപരവുമായ പരാമര്ശങ്ങള് നടത്തിയ സന്ദീപാനന്ദഗിരിക്കെതിരെ മഹാരാഷ്ട്രയില് പോലീസ് പരാതി. മുംബൈക്കടുത്തുള്ള പാല്ഘര് ജില്ലയിലെ വസായില് ബിജെപി ജില്ലാ ജനറല് സെക്രട്ടറിയും വസായ് സനാതന ധര്മ്മസഭ അധ്യക്ഷനുമായ കെ.ബി ഉത്തംകുമാറാണ് സന്ദീപാനന്ദഗിരിക്കെതിരെ പോലീസില് തെളിവുകള് സഹിതം പരാതി നല്കിയത്.
ഹൈന്ദവമത വിശ്വാസികളുടെ ആരാധന മൂര്ത്തിയായ ഗണേശഭഗവാനെ മനപ്പൂര്വ്വം നിന്ദിച്ചതിലൂടെ കോടിക്കണക്കിന് വിശ്വാസികള്ക്ക് പ്രയാസം ഉണ്ടായെന്നും സിപിഎമ്മിന്റെ പിണിയാളായി നിന്ന് അവര്ക്കു വേണ്ടി വിടുപണി ചെയ്യുന്ന ഈ വ്യക്തി കുറെക്കാലമായി ഹൈന്ദവ ആരാധന മൂര്ത്തികളെ അധിക്ഷേപിക്കുകയാണെന്നും ഇത് സമൂഹത്തില് മത സ്പര്ദയ്ക്ക് ഇടയാക്കുന്നുണ്ടെന്നും പരാതിയില് പറയുന്നു. മേല് നടപടികള് ഉടന് കൈക്കൊള്ളുമെന്ന് പരാതി സ്വീകരിച്ച ശേഷം വസായ് വിരാര് ഡെപ്യൂട്ടി പോലീസ് കമ്മീഷണര് പൂര്ണ്ണിമ ചൗഗുലെ, വസായ് മണിക്പൂര് പോലീസ് സബ് ഇന്സ്പെക്ടര് രാജശേഖര് സല്ഗരെ എന്നിവര് ഉറപ്പു നല്കിയെന്ന് ഉത്തം കുമാര് പറഞ്ഞു.
