ആലുവ: അഞ്ചുവയസുകാരിയെ ക്രൂരമായി പീഡിപ്പിച്ചു കൊന്നതു പ്രതി അസ്ഫാക് ആലം തനിച്ചാണെന്ന് അന്വേഷണ ഉദ്യോഗസ്ഥര് പറഞ്ഞു. കൃത്യത്തിനു പിന്നില് ഒന്നിലധികം പേരുെണ്ടെന്ന കുട്ടിയുടെ പിതാവിന്റെ ആരോപണം സാധൂകരിക്കുന്ന തെളിവുകളൊന്നുമില്ലെന്ന് പോലീസ് പറഞ്ഞു. പ്രതിയെ സംഭവം നടന്ന ആലുവ മാര്ക്കറ്റില് എത്തിച്ച് തെളിവെടുപ്പ് നടത്തി. കൃത്യം നടത്തിയതെങ്ങനെയെന്ന് പ്രതി പോലീസിനോട് വിശദീകരിച്ചു. ഏകദേശം 13 മിനിറ്റ് നീണ്ടു നിന്ന തെളിവെടുപ്പില് കുട്ടിയുടെ വസ്ത്രവും ചെരുപ്പുമടങ്ങുന്ന നിര്ണായക തെളിവുകളും ലഭിച്ചു. തെളിവെടുപ്പിന് ശേഷം മടങ്ങുമ്പോള് ആള്ക്കൂട്ടം പ്രതിക്ക് നേരെ ആക്രോശിച്ചു പാഞ്ഞടുത്തെങ്കിലും പോലീസ് തടയുകയായിരുന്നു.
വരും ദിവസങ്ങളില്, കുട്ടിയെ തട്ടികൊണ്ടുപോയ വീട്, കുട്ടിയുമായി ബസില് കയറിയ സ്ഥലം തുടങ്ങിയ ഇടങ്ങളില് തെളിവെടുപ്പ് നടത്തും. കഴിഞ്ഞ ദിവസം നടത്തിയ തിരിച്ചറിയല് പരേഡില് സാക്ഷികള് പ്രതിയെ തിരിച്ചറിഞ്ഞിരുന്നു.
