ചെര്പ്പുളശ്ശേരി: മഞ്ചക്കല് പെട്രോള് പമ്പില് ജീവനക്കാരനെ ആക്രമിച്ച കേസില് മൂന്നുപേര് കൂടി പിടിയില്.
കച്ചേരിക്കുന്നു കുലുക്കാന് പാറ സ്വദേശികളായ ആഷിഖ്, അന്വര് ഹുസൈന്, പുത്തന് പീടികക്കല് മുജീബ് റാഹിമാന് എന്നിവരെയാണ് ചെര്പ്പുളശേരി പോലീസ് അറസ്റ്റ് ചെയ്തത്. കേസുമായി ബന്ധപ്പെട്ട് നേരത്തെ രണ്ടുപേരെ അറസ്റ്റ് ചെയ്തിരുന്നു. ഇതോടെ അറസ്റ്റിലായവരുടെ എണ്ണം അഞ്ചായി.
കഴിഞ്ഞ മാസം 25ന് രാത്രിയാണ് കേസിസാപദമായ സംഭവം. ഗൂഗിള് പേ വഴി പണം അയച്ചതിനെ ചൊല്ലിയുണ്ടായ തര്ക്കത്തെതുടര്ന്ന് പെട്രോള് പമ്പ് ജീവനക്കാരനായ അഷറഫിനെ മര്ദ്ദിക്കുകയായിരുന്നു. അക്രമണത്തിന്റെ സിസിടിവി ദൃശ്യങ്ങള് ശേഖരിച്ച് നടത്തിയ അന്വേഷണത്തിലാണ് പോലീസ് പ്രതികളെ പിടികൂടിയത്.
