വര്‍ക്കല: ശ്രീനാരായണ ധര്‍മ്മസംഘം ട്രസ്റ്റ് മുന്‍പ്രസിഡന്റ് സ്വാമി പ്രകാശാനന്ദയുടെ മൂന്നാമത് സമാധിദിനം ആചരിച്ചു. സമാധി സ്ഥാനത്ത് നടന്ന പൂജയ്‌ക്കും പ്രാര്‍ത്ഥനയ്‌ക്കും ശ്രീനാരായണ ധര്‍മ്മസംഘം ട്രസ്റ്റ് ജനറല്‍ സെക്രട്ടറി സ്വാമി ശുഭാംഗാനന്ദ നേതൃത്വം നല്കി. ധര്‍മ്മസംഘം ട്രസ്റ്റ് മുന്‍ ജനറല്‍ സെക്രട്ടറി സ്വാമി ഋതംഭരാനന്ദ, ധര്‍മ്മസംഘം ട്രസ്റ്റ് ബോര്‍ഡ് അംഗം സ്വാമി ബോധിതീര്‍ത്ഥ, സ്വാമിമാരായ വിരജാനന്ദഗിരി, ഹംസതീര്‍ത്ഥ, ദേശികാനന്ദയതി തുടങ്ങിയവരും വൈദികരും ബ്രഹ്മചാരിമാരും ഭക്തജനങ്ങളും പങ്കെടുത്തു.
ശ്രീനാരായണ ഗുരുദേവ ജയന്തിയാഘോഷ കമ്മറ്റി
169-ാമത് ശ്രീനാരായണ ഗുരുദേവ ജയന്തിയാഘോഷകമ്മറ്റി സെക്രട്ടറിയായി ശ്രീനാരായണ ധര്‍മ്മസംഘം ട്രസ്റ്റ് ബോര്‍ഡംഗം സ്വാമി ബോധിതീര്‍ത്ഥയേയും ജോയിന്റ് സെക്രട്ടറിയായി ഗുരുധര്‍മ്മപ്രചരണ സഭാസെക്രട്ടറി സ്വാമി അസംഗാനന്ദ ഗിരിയേയും ധര്‍മ്മസംഘം ട്രസ്റ്റ് ബോര്‍ഡ് യോഗം നിയമിച്ചു.
