ലക്നൗ: പ്രധാനമന്ത്രി മോദി വെള്ളിയാഴ്ച സമര്‍പ്പിക്കുന്ന രാജ്യത്തെ 25ാമത്തെ വന്ദേഭാരത് ട്രെയിന്‍ അയോധ്യയിലേക്കുള്ളതാണ്. അയോധ്യയിലെ രാമക്ഷേത്രത്തിലേക്ക് സന്ദര്‍ശനം മോഹിക്കുന്ന ഭക്തര്‍ക്ക് ഇത് സായൂജ്യ നിമിഷം. അയോദ്ധ്യ റെയിൽവേ സ്റ്റേഷനിൽ ചൊവ്വാഴ്ച ട്രയല്‍ റണ്ണിനായെത്തിയ വന്ദേ ഭാരത് കാണാൻ വൻ ജനപ്രവാഹമായിരുന്നു.
ഉത്തര്‍പ്രദേശിന് ലഭിയ്‌ക്കുന്ന രണ്ട് പുതിയ വന്ദേഭാരത് ട്രെയിനില്‍ ഒരെണ്ണമാണ് അയോധ്യക്ഷേത്രത്തിലേക്കെത്തുക. ഗോരഖ് പൂര്‍- ലക്നൗ വന്ദേഭാരതാണ് അയോധ്യയിലേക്കുള്ളത്. .
ഗോരഖ്പൂരിൽ നിന്ന് യാത്ര ആരംഭിക്കുന്ന വന്ദേഭാരത് ഏകദേശം 8.15 ഓടെ അയോദ്ധ്യയിലെത്തും. വന്ദേ ഭാരത് എക്‌സ്പ്രസ് രാവിലെ 6.05നാണ് ഗോരഖ്പൂർ റെയിൽവേ സ്റ്റേഷനിൽ നിന്ന് യാത്ര പുറപ്പെടുക. അയോദ്ധ്യയിലെത്താൻ ഏകദേശം രണ്ട് മണിക്കൂറെടുക്കും. ഗോരഖ്പൂരിൽ നിന്ന് ലക്നൗവിൽ എത്താൻ നാലര മണിക്കൂറും എടുക്കും. രാവിലെ 10.20ന് ലക്നൗ റെയിൽവേ സ്റ്റേഷനിൽ എത്തും. തിരിച്ച് ഈ ട്രെയിൻ ലഖ്‌നൗവിൽ നിന്ന് രാത്രി 7.15ന് പുറപ്പെടും. രാവിലെ 9.15ന് അയോദ്ധ്യയിലും രാത്രി 11.30ന് ഗോരഖ്പൂരിലും എത്തിച്ചേരും.
