മുഹമ്മ : ഭക്തിയുടെ നിറവില്‍ ശിവഗിരീശ്വര ക്ഷേത്രത്തില്‍ ശ്രീനാരായണ ധര്‍മ്മമീമാംസ പരിഷത്തും പ്രതിഷ്ഠാ വാര്‍ഷികവും നടന്നു. നൂറു കണക്കിന് ശ്രീ നാരായ ണീയ ഭക്തരാണ് ചടങ്ങുകളില്‍ ഭാഗഭാക്കായത്.രാവിലെ ക്ഷേത്ര ആചാര ചടങ്ങുകള്‍ക്ക് ശേഷം താലത്ത് പി.കെ. അശോകന്‍ തന്ത്രിയുടെ നേതൃത്വത്തില്‍ അഷ്ടദ്രവ്യ മഹാഗണപതി ഹോമവും വിദ്യാ രാജ്ഞി പൂജ (ശാരദാ പൂജ)യും നടന്നു. 11ന് വിശ്വ ഗാജി മഠാധിപതി സ്വാമി അസ്പര്‍ശാനന്ദ ധര്‍മ്മമീമാംസ പരിഷത്ത് ഉദ്ഘാടനം ചെയ്തു. എസ്.ജയലക്ഷ്മി ഭദ്രദീപ പ്രകാശനം നടത്തി.
ശ്രീ നാരായണ ഗുരുവിന്റെ ഈശ്വരീയ ഭാവം എന്ന വിഷയത്തില്‍ ഗുരുധര്‍മ്മ പ്രചാരക സൗമ്യ അനിരുദ്ധന്‍ പഠന ക്ലാസ് നയിച്ചു. ഗുരുധര്‍മ്മ പ്രചരണ സഭ ജില്ലാ പ്രസിഡന്റ് സതീശന്‍ അത്തിക്കാട്, ആര്‍.രമണന്‍ മുല്ലശ്ശേരി എന്നിവര്‍ സംസാരിച്ചു. ശിവഗിരീശ്വര ക്ഷേത്രയോഗം പ്രസിഡന്റ് എം.ജയ്‌മോന്‍ സ്വാഗതവും സെക്രട്ടറി എന്‍. ഹരിദാസ് കുറ്റിടച്ചിറ നന്ദിയും പറഞ്ഞു. വൈകിട്ട് ദീപാരാധന, ദീപക്കാഴ്ച, സമൂഹ പ്രാര്‍ത്ഥന എന്നിവയും നടന്നു.
