കഴക്കൂട്ടം: തിരുവപുരം കഴക്കൂട്ടത്ത് യുവതിയെ തട്ടിക്കൊണ്ടുപോയി ഗോഡൗണില്‍ കെട്ടിയിട്ട് അതിക്രൂരമായി പീഡിപ്പിച്ചു. യുവതി ഓടി രക്ഷപ്പെട്ടത് വിവസ്ത്രയായി. പീഡനത്തില്‍ ഗുരുതരമായി പരിക്കേറ്റ യുവതിയെ പോലീസ് തിരുവനന്തപുരം എസ് എ റ്റി ആശുപത്രിയില്‍ പ്രവേശിപ്പിച്ചു. ആറ്റിങ്ങലിന് സമീപം അവനവഞ്ചേരി സ്വദേശി കിരണിനെ പോലീസ് കസ്റ്റഡിയില്‍ എടുത്തു. ഇന്ന് കോടതിയിൽ ഹാജരാക്കും.
ഞായറാഴ്ച പുലര്‍ച്ചെയോടെയാണ് സംഭവം പുറത്തറിയുന്നത്. വിവസ്ത്രയായി യുവതി നിലവിലിച്ചുകൊണ്ട് റോഡിലറങ്ങി സമീപത്തെ വീട്ടില്‍ അഭയം തോടുകയായിരുന്നു. ശനിയാഴ്ച ഉച്ചയ്‌ക്ക് ടെക്‌നോപാര്‍ക്കിന് സമീപമുള്ള ഹോട്ടലില്‍ സുഹൃത്തുക്കളുമായി ഭക്ഷണം കഴിച്ചു കൊണ്ടിരുന്ന യുവതിയെ സുഹൃത്തായ കിരണ്‍ ബലപ്രയോഗത്തിലൂടെ ബൈക്കില്‍ കയറ്റി കൊണ്ടുപോയി. പോകുന്ന വഴിയിലെല്ലാം ക്രൂരമായി മര്‍ദ്ദിച്ചു.
ആദ്യം മേനംകുളത്ത് ഒഴിഞ്ഞ സ്ഥലത്തേക്ക് കൊണ്ടുപോയി പീഡിപ്പിച്ചു. ശേഷം രാത്രിയോടുകൂടി യുവതിയെ ബെറ്റ് റോഡ് കൃഷിഭവന്‍ സമീപമുള്ള ഗോഡൗണില്‍ എത്തിച്ചു. കൈകെട്ടിയിട്ട് ക്രൂരമായി പീഡിപ്പിക്കുകയായിരുന്നു എന്നാണ് പോലീസ് പറയുന്നത്. ഞായറാഴ്ച പുലര്‍ച്ചെ രക്ഷപ്പെട്ട യുവതി അടുത്തുള്ള വീട്ടില്‍ ഓടി ക്കയറി. വിവസ്ത്രയയാണ് യുവതി എത്തിയതെന്നാണ് വീട്ടുകാര്‍ പോലീസിനോട് പറഞ്ഞത്. വീട്ടുകാര്‍ കഴക്കൂട്ടം പോലീസില്‍ അറിയിച്ചതിനെ തുടര്‍ന്നാണ് പോലീസ് എത്തി. തുടര്‍ന്ന് യുവതിയെ ആശുപത്രിയില്‍ പ്രവേശിപ്പിക്കുകയായിരുന്നു.
മറ്റൊരു സുഹൃത്തുമായി ഹോട്ടലില്‍ ആഹാരം കഴിക്കാന്‍ പോയതാണ് പ്രകേപനത്തിന് കാരണം. യുവതിയെ കെട്ടിയിട്ട് പീഡിപ്പിക്കുന്ന ദൃശ്യങ്ങള്‍ മൊബൈലിലും ചിത്രീകരിച്ചിട്ടുണ്ട്. യുവതി രക്ഷപെട്ടോടുമ്പോഴും കിരണ്‍ പിന്തുടര്‍ന്നെന്നും ആളുകള്‍ ഓടിക്കൂടിയപ്പോഴാണ് കിരണ്‍ മടങ്ങി പോയതെന്നും നാട്ടുകാര്‍ പറയുന്നു.
