മലപ്പുറം: കീഴാറ്റൂര്‍ പഞ്ചായത്ത് ഓഫീസില്‍ പഞ്ചായത്ത് വാസിയായ മുജീബ് റഹ്‌മാന്‍ തീയിട്ടു. ലൈഫ് പദ്ധതിയില്‍ വീടു നല്‍കാമെന്ന് പറഞ്ഞ് കബളിപ്പിച്ചുവെന്നാണ മുജീബിന്റെ ആക്ഷേപം. പലവട്ടം കയറി ഇറങ്ങിയിട്ടും തീരുമാനമുണ്ടായില്ല. ഇയാളുടെ പേര് ലിസ്റ്റിലുണ്ടെന്ന് പറയുന്നെങ്കിലും ഇയാളെ മറികടന്ന് മറ്റുള്ളവര്‍ക്ക് വീട് അനുവദിച്ചുവെന്നാണ് ആക്ഷേപം.
പെട്രൊള്‍ നിറച്ച കുപ്പിയുമായി ഓഫീസില്‍ എത്തി ഉദ്യോഗസ്ഥരെ കടന്ന് ഓഫീസില്‍ ഒഴിച്ച് തീ കത്തിക്കുകയായിരുന്നു. തീപ്പിടിത്തത്തില്‍ കമ്പ്യൂട്ടര്‍, ഫലയുകള്‍, രേഖകള്‍ നശിച്ചു. എന്നാല്‍ അതിവേഗം തീ നിയന്ത്രിക്കാനായി. മുജീബ് റഹ്‌മാന്‍ പിന്നീട് കൈ ഞരമ്പ് മുറിച്ച് ആത്മഹത്യക്ക് ശ്രമിച്ചു. ഇയാളെ പോലീസ് കീഴ്പ്പെടുത്തി കസ്റ്റഡിയിലെടുത്തിട്ടുണ്ട്.
