തിരുവനന്തപുരം: സംസ്ഥാനത്തെ റോഡുകളില് വാഹനങ്ങളുടെ വേഗപരിധി ദേശീയ വിജ്ഞാപനത്തിനനുസൃതമായി പുതുക്കുവാന് തീരുമാനം. ആറുവരി, നാലുവരി പാതയിലെ നാലുചക്രവാഹനങ്ങളുടെ മുതല് വേഗപരിധി ഉയര്ത്തി.
ഗതാഗതമന്ത്രി ആന്റണിരാജുവിന്റെ അധ്യക്ഷതയില് ചേര്ന്ന ഉന്നതല യോഗ ത്തിലാണ് തീരുമാനം. ഇരുചക്രവാഹനങ്ങളുടെ പരമാവധി വേഗം 60 ആക്കി കുറച്ചു. നേരത്തെ ഇത് 70 ആയിരുന്നു. മുച്ചക്ര വാഹനങ്ങളുടെയും സ്കൂള് ബസുകളുടെയും പരമാവധി വേഗപരിധി നിലവിലുള്ള 50 കിലോമീറ്ററായി തുടരും. പുതുക്കിയ വേഗപരിധി ജൂലൈ ഒന്നുമുതല് പ്രാബല്യത്തില്വരും.
9 സീറ്റ് വരെയുള്ള വാഹനങ്ങള്ക്ക് ആറുവരി ദേശീയ പാതയില് പരമാവധി വേഗം 110 കിലോമീറ്ററാണ്. നാലുവരി ദേശീയ പാതയില് 90 ല് നിന്നും 100 ആക്കി ഉയര്ത്തി. മറ്റ് ദേശീയപാത, എംസി റോഡ്, 4 വരി സംസ്ഥാനപാത എന്നിവയില് 90 കിലോമീറ്റര് വേഗത്തിലോടാം. നേരത്തെ ഇത് 85കിലോമീറ്ററായിരുന്നു. മറ്റ് സംസ്ഥാനപാതകളിലും പ്രധാന ജില്ലാ റോഡുകളിലും 80 കിലോമീറ്ററും മറ്റു റോഡുകളില് 70ഉം നഗര റോഡുകളില് 50 ഉം കിലോമീറ്റര് തന്നെയായിരിക്കും വേഗപരിധി.
ഒമ്പത് സീറ്റിനു മുകളിലുള്ള ലൈറ്റ് മീഡിയം ഹെവി മോട്ടോര് യാത്ര വാഹനങ്ങള്ക്ക് ആറുവരി ദേശീയ പാതയില് 95 കിലോമീറ്ററാണ് വേഗം. നാലുവരി ദേശീയ പാതയിലെ വേഗം 70 ല് നിന്നും 90 ആയും മറ്റ് ദേശീയപാത, എംസി.റോഡ്, 4 വരി സംസ്ഥാന പാത എന്നിവയിലേത് 65ല് നന്നും 85 കിലോമീറ്ററായും മറ്റ് സംസ്ഥാനപാതകളിലും പ്രധാന ജില്ലാ റോഡുകളിലും 65ല് നിന്നും 80 ആയും മറ്റു റോഡുകളില് 60 ആയും ഉയര്ത്തി. നഗര റോഡുകളില് 50 കിലോമീറ്റര് എന്നത് തുടരും.
ലൈറ്റ് മീഡിയം ഹെവി വിഭാഗത്തില്പ്പെട്ട ചരക്ക് വാഹനങ്ങള്ക്ക് ആറ്, നാലു വരി ദേശീയപാതകളില് 70 ആയിരുന്നത് 80 ആക്കി. മറ്റ് ദേശീയപാതകളിലും 4 വരി സംസ്ഥാന പാതകളിലും 65 കിലോമീറ്റര് എന്നത് 70 ആയും മറ്റ് സംസ്ഥാന പാതകളിലും പ്രധാന ജില്ലാ റോഡുകളിലും 60ല് നിന്ന് 65 ആയും ഉയര്ത്തി. മറ്റ് റോഡുകളില് 60ഉം നഗര റോഡുകളില് 50ഉം വേഗപരിധി തുടരും.
സംസ്ഥാനത്ത് എഐ ക്യാമറകള് പ്രവര്ത്തന സജ്ജമായതിനെത്തുടര്ന്നാണ് വേഗപരിധി പുനര് നിശ്ചയിക്കുവാന് തീരുമാനിച്ചത്. സംസ്ഥാനത്ത് 2014ല് നിശ്ചയിച്ചിരുന്ന വേഗപരിധിയാണ് നിലവിലുള്ളത്. ഉന്നതതല യോഗത്തില് ഗതാഗത സെക്രട്ടറി ബിജു പ്രഭാകര്, അഡീ. ട്രാന്സ്പോര്ട്ട് കമ്മീഷണര് പ്രമോജ് ശങ്കര് തുടങ്ങിയവര് പങ്കെടുത്തു.
