കൊച്ചി: കൊച്ചിയിലേക്കുള്ള യാത്രയ്ക്കിടെ വിമാനത്തില് നടന് വിനായകന് മോശമായി പെരുമാറിയിട്ടും വിമാനക്കമ്പനി നടപടിയെടുത്തില്ലെന്ന് ആരോപിച്ച് യുവാവ് ഹൈക്കോടതിയില് പരാതി നല്കി. ഇന്ഡിഗോ എയല്ലൈന്സിനെതിരെയാണ് കേസ് നല്കിയിരിക്കുന്നത്. വിമാനക്കമ്പനി നടപടിയെടുക്കണമെന്ന് ആവശ്യപ്പെട്ട് സമര്പ്പിച്ച ഹര്ജിയില് വിനായകനെ കക്ഷി ചേര്ക്കാന് ഹൈക്കോടതി നിര്ദേശിച്ചു.
പഞ്ചാബിലെ സ്കൂളില് ജോലി ചെയ്യുന്ന മലയാളികൂടിയായ ജിബി ജെയിംസാണ് പരാതി നല്കിയത്. മേയ് 27ന് ഗോവയില്നിന്ന് കൊച്ചിയിലേക്കുള്ള യാത്രയ്ക്കിടെയാണ് സംഭവം നടന്നതെന്നാണ് റിപ്പോര്ട്ട്. വിനായകന് തന്നോട് വിമാനത്തില് മോശമായി പെരുമാറിയത് കൊച്ചിലെത്തിയ ശേഷമാണ് പരാതി നല്കിയത്.
എന്നാല് വിമാനത്തില്നിന്ന് ഇറങ്ങിയ ശേഷം പരാതിപ്പെട്ടതിനാല് നടപടിയെടുക്കാന് കഴിയില്ലെന്നാണ് വിമാനക്കമ്പനി വ്യക്തമാക്കിയത്. വിമാനക്കമ്പനിയുടെ ഈ നിലപാടിനെതിരെയാണ് ജിബി ജെയിംസ് ഹൈക്കോടതിയെ സമീപിച്ചത്.
