പത്തനംതിട്ട: പത്തനംതിട്ട ഐത്തല ചെറുകുളത്ത് സ്കൂള് ബസ് നിയന്ത്രണംവിട്ട് മറിഞ്ഞു. ബഥനി ആശ്രമം ഹൈസ്കൂളിന്റെ ബസ് ആണ് അപകടത്തില്പ്പെട്ടത്. ഒരു വിദ്യാര്ഥിക്കും ആയയ്ക്കും പരിക്കേറ്റിട്ടുണ്ട്.
രാവിലെ എട്ടുമണിയോടെ സ്കൂളിലേക്ക് കൂട്ടികളെ വിളിക്കാന് പോകുന്നതിനിടെയാണ് ബസ് അപകടത്തില്പ്പെട്ടത്. സംഭവസമയം എട്ട് കുട്ടികളും ആയയും ഡ്രൈവറുമാണ് ബസ്സിനുള്ളില് ഉണ്ടായിരുന്നത്. ഏഴാം ക്ലാസ് വിദ്യാര്ഥിയായ ആദിത്യനും ആയയ്ക്കുമാണ് പരിക്കേറ്റത്. ഇടുങ്ങിയ റോഡിന്റെ ഇടതുവശത്തെ കല്ലില് ടയര് കയറി നിയന്ത്രണം വിട്ട ബസ് വലതുവശത്തേക്ക് മറിയുകയായിരുന്നു. പ്രദേശവാസികളണ് രക്ഷാ പ്രവര്ത്തനം നടത്തിയത്.
ഇവരുടെ പരിക്കുകള് സാരമുള്ളതല്ലെന്നാണ് സൂചന. ആദിത്യനെ താലൂക്ക് ആശുപത്രിയിലെ പ്രാഥമിക ചികിത്സയ്ക്കു ശേഷം കോട്ടയം മെഡിക്കല് കോളേജ് ആശുപത്രിയിലേക്ക് റഫര് ചെയ്തിട്ടുണ്ട്. സ്കൂളില്നിന്ന് ഏകദേശം മൂന്നുകിലോമീറ്റര് അകലെയാണ് അപകടമുണ്ടായത്. പുല്ല് മൂടിക്കിടന്നതിനാല് റോഡിലെ കല്ല് ഡ്രൈവര് ശ്രദ്ധിച്ചില്ലെന്നാണ് റിപ്പോര്ട്ടുകള്.
