തിരുവനന്തപുരം : സംസ്ഥാനത്തെ വൈദ്യുതി സര് ചാര്ജ് പിരിവ് മാസംതോറുമാക്കുന്നു. സംസ്ഥാനത്ത് വൈദ്യുതി വാങ്ങിയതിലുണ്ടായ അധിക ബാധ്യത നികത്തുന്നതിന് വേണ്ടിയാണ് ജനങ്ങളെ വീണ്ടും ഞെക്കി പിഴിയാന് ഒരുങ്ങുന്നത്.
മാസംതോറുമായി വൈദ്യുതി സര്ചാര്ജ് പിരിക്കാന് വൈദ്യുതി റഗുലേറ്ററി കമ്മിഷന് അനുമതിയും നല്കി കഴിഞ്ഞു. ഇതോടെ വൈദ്യുതിയുടെ ദ്വൈമാസ ബില്ലില് ഓരോ മാസത്തെയും സര്ച്ചാര്ജ് വീതം ഉപഭോക്താവ് നല്കേണ്ടി വരും. യൂണിറ്റിന് 10 പൈസ വരെയാണ് സര്ച്ചാര്ജ് എന്ന പേരില് ഈടാക്കുന്നത്.
വൈദ്യുതി വാങ്ങുന്നതിനുള്ള അധികച്ചെലവ് സര്ചാര്ജ് എന്ന പേരില് കെഎസ്ഇബി നിലവില് ഈടാക്കുന്നുണ്ട്. ഫെബ്രുവരി ഒന്ന് മുതല് മെയ് 31 വരെ വരെ നാലുമാസം യൂണിറ്റിന് 9 പൈസ നിരക്കിലാണ് പിരിച്ചിരുന്നത്. കഴിഞ്ഞ വര്ഷം ജൂണില് 6.6 ശതമാനം വൈദ്യുതി നിരക്ക് വര്ധിപ്പിച്ചതാണ്. ഇതെല്ലാം കൂടാതെയാണ് യൂണിറ്റിന് 10 പൈസ നിരക്കില് വീണ്ടും സര്ച്ചാര്ജ് ഈടാക്കാനുള്ള തീരുമാനം.
