ബംഗളൂരു: കര്ണാടക നിയമസഭാ തെരഞ്ഞെടുപ്പില് കോണ്ഗ്രസിന് വിജയം. കേവല ഭൂരിപക്ഷമായ 113 പിന്നിട്ട് കോണ്ഗ്രസ് വ്യക്തമായ ആധിപത്യം പുലര്ത്തി നൂറ്റി മുപ്പതിലേറെ സീറ്റുകളില് ലീഡ് ചെയ്യുകയാണ്.
ബി.ജെ.പി. 68 സീറ്റുകളിലും ജെ.ഡി.എസ്. 22 സീറ്റുകളിലും മുന്നേറുന്നു. വോട്ടെണ്ണല് ആരംഭിച്ചതുമുതല് കൃത്യമായ ലീഡ് നേടിയും പിന്നീടങ്ങോട്ട് നില മെച്ചപ്പെടുത്തിയുമായിരുന്നു കോണ്ഗ്രസിന്റെ മുന്നേറ്റം. അഭിമാനപോരാട്ടത്തില് പ്രമുഖ സ്ഥാനാര്ഥികളെല്ലാം വന് ഭൂരിപക്ഷത്തോടെ ജയം ഉറപ്പിച്ചതും പാര്ട്ടിയ്ക്ക് നേട്ടമായി. സിദ്ധരാമയ്യ, ഡി.കെ. ശിവകുമാര് തുടങ്ങിയ പ്രമുഖ നേതാക്കളെല്ലാം മികച്ച ഭൂരിപക്ഷത്തിലാണ് ജയം ഉറപ്പിച്ചിരിക്കുന്നത്. ബി.ജെ.പി. വിട്ട് കോണ്ഗ്രസിലെത്തിയ ജഗദീഷ് ഷെട്ടാര് പരാജയപ്പെട്ടു.
സിപിഎം ഏറെ പ്രതീക്ഷ പുലര്ത്തിയ ബാഗേപ്പള്ളിയില് കോണ്ഗ്രസിനു പിന്നില് മൂന്നാം സ്ഥാനത്താണ്. നിര്ണായക ശക്തിയാകുമെന്നു കരുതുന്ന ജനതാദളി (എസ്) ന് അവരുടെ പഴയ പ്രകടനം കാഴ്ചവയ്ക്കാനാവില്ല
