കാസര്കോട്: പാലാവയലിലെ സെന്റ് ജോണ്സ് ഫഌഡ്ലിറ്റ് ഗ്രൗണ്ടില് നടക്കുന്ന മോണ്. മാത്യു എം. ചാലില് സ്മാരക അഖില കേരള ഇന്റര് സ്കൂള് ബാസ്ക്കറ്റ്ബോള് ടൂര്ണമെന്റില് ആണ്കുട്ടികളുടെയും പെണ്കുട്ടികളുടെയും വിഭാഗത്തില് കോഴിക്കോട് സില്വര് ഹില്സ് എച്ച്എസ്എസ് സെമിഫൈനലില്. സേക്രഡ് ഹാര്ഡ് അങ്ങാടിക്കടവ്, സേക്രഡ് ഹാര്ട്ട് എച്ച്എസ്എസ് തേവര ടീമുകളും സെമിയിലെത്തി.
ആണ്കുട്ടികളുടെ ക്വാര്ട്ടര് ഫൈനലില് സില്വര് ഹില്സ് എച്ച്എസ്എസ് 28-15ന് ബിവിജെഎം പെരുമ്പടവിനെയും സേക്രഡ് ഹാര്ട്ട് അങ്ങാടിക്കടവ് 51-17ന് ഫ്ളവററ്റ് ഇംഗ്ലീഷ് മീഡിയം സ്കൂളിനെയും പരാജയപ്പെടുത്തി. പെണ്കുട്ടികളില് സേക്രഡ് ഹാര്ട്ട് എച്ച്എസ്എസ് തേവര 40-6ന് ഫ്ളവറെറ്റ് ഇംഗ്ലീഷ് മീഡിയം സ്കൂള് ഉള്ളിക്കലിനെയും സില്വര് ഹില്സ് 40-12ന് പെരുമ്പടവ് ബിവിജെഎമ്മിനെയും തോല്പ്പിച്ചു.
ആണ്കുട്ടികളുടെ സെമിയില് സില്വര് ഹില്സ് കോട്ടയം സെന്റ് എഫ്രേംസ് എച്ച്എസ്എസിനെയും എസ്എച്ച് അങ്ങാടിക്കടവ് ലിറ്റില് ഫഌവര് കോണ്വെന്റ് എച്ച്എസ്എസ് കൊരട്ടിയെയും നേരിടും. പെണ്കുട്ടികളില് എസ്എച്ച് സേക്രഡ് ഹാര്ട്ട് തേവര ലിറ്റില് ഫഌവര് കോണ്വെന്റ് എച്ച്എസ്എസ് കൊരട്ടിയെയും സില്വര് ഹില്സ് മൗണ്ട് കാര്മല് എച്ച്എസ്എസ് കോട്ടയത്തെയും നേരിടും.
