കുപ്വാര: ജമ്മു കശ്മീരിലെ കുപവാര ജില്ലയില് ബുധനാഴ്ച സുരക്ഷാ സേനയുമായുണ്ടായ ഏറ്റുമുട്ടലില് രണ്ട് ഭീകരര് കൊല്ലപ്പെട്ടു. വടക്കന് കശ്മീരിലെ മച്ചില് മേഖലയിലാണ് സൈന്യവും ഭീകരരും തമ്മില് ഏറ്റുമുട്ടല് നടന്നത്. സൈന്യവും കുപ്വാര പൊലീസും സംയുക്ത നീക്കത്തിലാണ് ഭീകരരെ വധിച്ചത്.
നിയന്ത്രണ രേഖയിലെ നുഴഞ്ഞുകയറ്റ ശ്രമത്തെക്കുറിച്ച് വിവരം ലഭിച്ചതിനെ തുടര്ന്ന് സുരക്ഷാ സേന പ്രദേശത്ത് നുഴഞ്ഞുകയറ്റ വിരുദ്ധ പ്രവര്ത്തനം ആരംഭിച്ചു. ഇതിനിടെ ഭീകരര് സുരക്ഷാസേനയ്ക്ക് നേരെ നിറയൊഴിക്കുകയായിരുന്നു.
തുടര്ന്ന് രൂക്ഷമായ ഏറ്റുമുട്ടലാണുണ്ടായത്. മരിച്ച ഭീകരരെ തിരിച്ചറിഞ്ഞിട്ടില്ല.
