ക്രെംലിന്: വ്ളാഡിമിര് പുടിനെ ഡ്രോണ് ആക്രമണത്തിലൂടെ വധിക്കാന് ഉക്രൈന് ശ്രമിച്ചതായി റഷ്യ. എന്നാല് ഇതിനെ പരാജയപ്പെടുത്തിയെന്നും റഷ്യ വാര്ത്താക്കുറിപ്പില് അറിയിച്ചു.
കഴിഞ്ഞ രാത്രിയില് പുടിന്റെ ക്രെംലിനിലെ വീട്ടിലാണ് ഡ്രോണ് ആക്രമണം വഴി വധിക്കാനുള്ള ശ്രമം നടന്നത്. രണ്ട് ഡ്രോണുകളാണ് വ്ളാഡിമിര് പുടിനെ വധിക്കാനായി പാഞ്ഞടുത്തതെന്ന് പറയുന്നു.
എന്നാല് സൈന്യത്തിന്റെയും പ്രത്യേക സൈനിക സേവനഗ്രൂപ്പിന്റെയും ഇടപെടലില് ഡ്രോണ് നിര്വീര്യമാക്കുകയായിരുന്നു. നിര്വ്വീര്യമാക്കിയ ഡ്രോണിന്റെ അവശിഷ്ടങ്ങള് മുറ്റത്ത് വീണു. ഈ ആക്രമണത്തെ ആസൂത്രിതമായ തീവ്രവാദി ആക്രമണം എന്നാണ് റഷ്യ വിശേഷിപ്പിക്കുന്നത്.
ക്രെംലിനെതിരായ ഈ ആക്രമണത്തിനോട് എങ്ങിനെ പ്രതികരിക്കണമെന്ന് തീരുമാനിച്ചിട്ടില്ലെന്ന് വ്ളാഡിമിര് പുടിന്റെ വക്താവ് ഡ്മിത്രി പെസ്കോവ് പറഞ്ഞു. യോജിച്ച സമയത്ത് പകരം വീട്ടുമെന്നും പെസ്കോവ് പറഞ്ഞു.
